The news is by your side.

Advertisement

تحریک انصاف کے لاہور جلسے کی نشریات میں خلل ڈالنے کا منصوبہ، انتظامیہ اوچھے ہتھکنڈوں پر اتر آئی

لاہور : پنجاب کے شہروں میں لاہور جلسے کی نشریات میں خلل ڈالنے کیلئے بجلی کی لوڈ شیڈنگ کرنے کا منصوبہ بنا لیا۔

تفصیلات کے مطابق پنجاب کے شہروں میں لاہور جلسے کی نشریات میں خلل کا منصوبہ بنا لیا گیا ، ذرائع کا کہنا ہے کہ جلسے کے دوران شہروں میں بجلی کی لوڈ شیڈنگ کی جائے گی اور شہریوں کو مطمئن کرنے کےلیے معمول کی لوڈشیڈنگ کا جواز دیا جائے گا۔

کراچی جلسے میں بھی عمران خان کے خطاب کے دوران پنجاب کے کئی شہروں میں عوام نے بجلی بند ہونے کی شکایت کی تھی۔

دوسری جانب لاہور مینار پاکستان میں پی ٹی آئی جلسے کی تیاریوں میں انتظامیہ اوچھے ہتھکنڈوں پر اتر آئی، پی ٹی آئی کارکنان سحری کرنے باہر گئے تو پارک کا گیٹ بند کر دیا۔

گیٹ بند کرنے پر تحریک انصاف کے کارکنوں نے احتجاج کیا اور گیٹ پر کارکن جمع ہوگئے، کارکنوں نے مطالبہ کیا گیٹ پر لگے تالے فوری طور پر کھولے جائیں۔

اسلام آباد کی انتظامیہ نے بھی تحریک انصاف کو بڑی اسکرین لگانے سے روک دیا ہے۔

Comments

یہ بھی پڑھیں