The news is by your side.

Advertisement

لوڈ شیڈنگ کے حوالے سے کے الیکٹرک کو متنبہ کر دیا ہے، خواجہ اظہار

کراچی : سندھ اسمبلی میں اپوزیشن لیڈر خواجہ اظہار الحسن نے کہا ہے کہ کے الیکٹرک کو متنبہ کر دیا ہے کہ سحر و افطار میں لوڈشیڈنگ نہ کی جائے اگر عوام سڑکوں پر نکلے تو ایم کیو ایم ہر احتجاج کا حصہ ہوگی۔ کے الیکٹرک حکام نے صورتحال بہتر ہونے کے لیے پھر دو سے تین دن کا وقت دے دیا۔

تفصیلات کے مطابق کراچی سمیت سندھ بھر میں بد ترین لوڈشیڈنگ، اوور بلنگ اور دیگر امور پر ایم کیو ایم کے وفد نے اپوزیشن لیڈر خواجہ اظہار الحسن کی قیادت میں کے الیکٹرک حکام سے ملاقات کی۔ ملاقات میں عوامی شکایات ، لوڈشیڈنگ اور کے الیکٹرک کے اقدامات پر تفصیلی تبادلہ خیال کیا گیا۔

بعد ازاں میڈیا سے گفتگو میں خواجہ اظہار الحسن کا کہنا تھا کہ کے الیکٹرک کو متنبہ کر دیا ہے اگر سحر و افطار میں لوڈشیڈنگ ختم نہ ہوئی تو لائحہ عمل کا اعلان کریں گے۔ بجلی کے بحران کا یہی عالم رہا تو ایم کیو ایم (پاکستان )بڑے مظا ہر ے کا اعلان بھی کر سکتی ہے۔

ہم شہریو ں کی تکلیف میں برابر کے شریک ہیں، فیصل سبزواری کا کہنا تھا کہ ہم سیاسی پوائنٹ اسکورنگ نہیں کر رہے، کے الیکٹرک کا احتساب کریں گے۔

ملاقات میں کے الیکٹرک کے چیف مارکیٹنگ آفیسر نے صورتحال بہتر ہونے میں مزید دو سے تین دن کی مہلت مانگ لی۔ ایم کیو ایم رہنماؤں نے وفاق سے بھی مطالبہ کیا کہ نیشنل گرڈ سے کے الیکٹرک کو زیادہ بجلی کی فراہمی ممکن بنائی جائے، اگر کے الیکٹرک نے وعدے پورے نہ کیے تو خود ذمے دار ہوں گے۔

Print Friendly, PDF & Email

Comments

comments

یہ بھی پڑھیں