شب برات میں لوڈشیڈنگ : کےالیکٹرک نے وزیراعلیٰ کے احکامات ہوا میں اڑا دیئے -
The news is by your side.

Advertisement

شب برات میں لوڈشیڈنگ : کےالیکٹرک نے وزیراعلیٰ کے احکامات ہوا میں اڑا دیئے

کراچی : شب برات کے موقع پر شہر قائد میں بجلی کی لوڈ شیڈنگ بدستور جاری ہے ، کےالیکٹرک حکام نے وزیر اعلیٰ سندھ کا آج کی رات بجلی کی لوڈ شیڈنگ نہ کرنے کا حکم ہوا میں اڑا دیا۔

تفصیلات کے مطابق کے الیکٹرک کی جانب سے شہر کے مختلف علاقوں میں کئی کئی گھنٹے غیر اعلانیہ لوڈشیڈنگ کی جارہی ہےاور لوڈشیڈنگ کا دورانیہ 12 گھنٹے تک جا پہنچا ہے جس سے عوام کو شدید گرمی میں پریشانی کا سامنا ہے۔

شب برات کے موقع پر بھی شہریوں کو کسی قسم کا کوئی ریلیف نہیں دیا گیا، اس حوالے سے وزیراعلیٰ سندھ سید مراد علی شاہ نے کے الیکٹرک کو شہر میں لوڈشیڈنگ نہ کرنےکی ہدایت کی تھی جس کا کے الیکٹرک انتظامیہ کوئی نوٹس نہیں لیا اور حسب سابق لوڈ شیڈنگ کا سلسلہ شہر کے بیشتر علاقوں میں تاحال جاری ہے۔

شب برات پر عوام موم بتیاں لے کرقبروں پرحاضری دینے پر مجبور ہیں، غیراعلانیہ لوڈشیڈنگ سے شہر بیشترعلاقوں میں پانی کی قلت بھی پیدا ہوگئی۔

اورنگی ٹاؤن، بلدیہ، کورنگی، گلشن، کیماڑی اولڈ سٹی ایریا سمیت ایئرپورٹ کے اطراف مختلف علاقوں میں غیراعلانیہ لوڈ شیڈنگ جاری ہے، بلدیہ نمبر9میں 3گھنٹےسےبجلی بند ہے، جبکہ جیل روڈ پربھی صبح 8 بجے سے بجلی کی فراہمی معطل ہے۔

ترجمان بلاول ہاؤس کا کہنا ہے کہ شب برات پربھی وفاقی حکومت لوڈ شیڈنگ روک نہیں سکی، لوڈشیڈنگ کی آڑمیں پانی چوری کیاجارہاہے، سندھ میں20گھنٹےتک لوڈشیڈنگ ظلم کی انتہاہے۔

Comments

comments

یہ بھی پڑھیں