The news is by your side.

Advertisement

کراچی: غیراعلانیہ لوڈشیڈنگ، روزےداروں نے پانچویں سحری بھی اند ھیرے میں کی

کراچی : بجلی کی غیراعلانیہ لوڈشیڈنگ سے شہریوں کی زندگی اجیرن ہوگئی ہے، بیشترعلاقوں میں روزے داروں نے پانچویں سحری بھی اندھیرے میں کی۔

تفصیلات کے مطابق سحر و افطارمیں لوڈشیڈنگ نہ کرنے کے اعلان تو کیا گیا تھا لیکن ہوا اس کے برعکس، کراچی کے بیشتر علاقوں میں آج بھی شہریوں نے سحری اندھیرے میں کی۔

گزشتہ رات بھی میٹروول، بلدیہ، اورنگی، نارتھ کراچی، سرجانی، پاک کالونی اور نارتھ ناظم آباد سمیت ملیر کے علاقوں میں بجلی غائب رہی۔

عوام کا کہنا ہے کہ کے الیکٹرک کے کارکردگی صفر ہے۔ بجلی آتی ہی نہیں ، حکومت فوری بنیادوں پر اس مسئلے کو حل کر کے عوام کو ریلیف فراہم کیا جائے۔

شہریوں کا کہنا ہے کہ کے الیکٹرک کا عملہ دادرسی کیلئے تیار نہیں فون تک نہیں اٹھایا جارہا۔

دوسری جانب کے الیکٹرک نے شہریوں کے دعوے کو رد کرتے ہوئے کہا ہے کہ صارفین چوبیس گھنٹے ون ون ایٹ پر کے الیکٹرک سے رابطہ کرسکتے ہیں۔

کے الیکٹرک کا کہنا ہے کہ شہر میں بجلی کی فراہمی معمول کے مطابق ہے، کسی علاقے میں اضافی یا غیراعلانیہ لوڈشیڈنگ نہیں کی جارہی، مستثنیٰ علاقوں میں لوڈشیڈنگ نہیں کی جارہی ہے ، لوڈشیڈنگ کا زیادہ سے زیادہ دورانیہ ساڑھے7گھنٹے ہے جبکہ فالٹس حل کرنے کیلئے عملہ علاقوں موجود ہے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Print Friendly, PDF & Email

Comments

comments

یہ بھی پڑھیں