کویت میں بھی بجلی کی لوڈشیڈنگ کی گئی جس کی وجہ ایندھن کی فراہمی میں خلل بتایا جاتا ہے۔
خبر رساں ایجنیسی کونا کے مطابق گزشتہ روز کویت کے کئی رہائشی اور صنعتی علاقوں میں بجلی کی لوڈشیڈنگ کی گئی جب جب کہ بجلی پانی اور قابل تجدید توانائی کی وزارت نے صارفین سے اپیل کی کہ وہ مصروف اوقات میں صبح گیارہ سے شام پانچ بجے تک بجلی کم استعمال کریں۔
بجلی کی بندش گزشتہ روز گیس کی سپلائی میں خلل کے باعث ہوئی جس سے الصبیہ اورالدوحہ الغربیہ الیکڑک پاور اسٹیشن میں کئی پاور یونٹس اور ڈی سیلینیشن پلانٹس اور کچھ پاور اسٹیشنز بند ہوگئے تھے۔
یاد رہے کہ تیل کی دولت سے مالا مال کویت میں ان دنوں شدید گرمی پڑ رہی ہے۔ اتوار کو کویت میں درجہ حرارت 43 ڈگری سینٹی گریڈ ریکارڈ کیا گیا تھا جب کہ ہیٹ ویو کے باعث یہ گرمی 53 ڈگری سینٹی گریڈ کے مساوی محسوس کی گئی۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں