کراچی میں بجلی کی غیراعلانیہ لوڈ شیڈنگ میں ہوشربا اضافہ -
The news is by your side.

Advertisement

کراچی میں بجلی کی غیراعلانیہ لوڈ شیڈنگ میں ہوشربا اضافہ

کراچی : گرمی کا زور بڑھتے ہی بجلی کی لوڈ شیڈنگ بھی بڑھ گئی، کے الیکٹرک نے گیس پریشرمیں کمی کا بہانہ کر کراچی میں لوڈشیڈنگ کا دورانیہ بڑھا دیا ہے۔

تفصیلات کے مطابق حکومتی دعوے اوراعلانات دھرے کے دھرے رہ گئے، گرمی بڑھتے ہی بجلی کا بحران بھی بڑھ گیا۔ وزیراعلیٰ سندھ نے گیس کی فراہمی کے حوالے سے وفاق کو الٹی میٹم دیا ہی تھا کہ کے الیکٹرک نے گیس پریشر میں کمی کو جواز بناتے ہوئے کراچی میں لوڈ شیڈنگ بڑھنے کا عندیہ دے دیا۔

اس وقت شہرکے مختلف علاقوں میں نوسے بارہ گھنٹے کی لوڈشیڈنگ کی جارہی ہے، ذرائع کا کہنا ہے کراچی میں بجلی کی طلب تین ہزارمیگا واٹ اورکے الیکٹرک کی فراہمی چوبیس سوپچاس میگاواٹ ہے۔

دوسری جانب پنجاب میں بھی لوڈ شیڈنگ کا جن بوتل سے باہر آگیا۔ بڑے شہروں میں آٹھ گھنٹے جبکہ چھوٹے شہروں میں چودہ گھنٹے تک بجلی کی لوڈ شیڈنگ کی جارہی ہے۔

ذرائع کا کہنا ہے ملک میں بجلی کا مجموعی شارٹ فال چھ ہزارمیگا واٹ ہوگیا ہے، ذرائع کے مطابق ملک میں بجلی کی مجموعی طلب ساڑھے سترہ ہزارجبکہ پیداوارساڑھے گیارہ ہزارمیگا واٹ ہے۔

Comments

comments

یہ بھی پڑھیں