The news is by your side.

Advertisement

ایل او سی پر فائرنگ، بھارتی ہائی کمشنرکی دفترخارجہ میں طلبی

اسلام آباد : دفتر خارجہ نے بھارتی فوج کی اشتعال انگیزفائرنگ پر بھارتی ہائی کمشنر ٹی سی اے راگھوان کو طلب کرلیا۔

تفصیلات کے مطابق پاکستان نے بھارتی ہائی کمشنر سے سرحد پر بھارتی اشتعال انگیزی اور فائرنگ سے 9 پاکستانی شہریوں کے جاں بحق اور 50سے زائد افراد کے زخمی ہو نے پر شدید احتجاج کیاہے ۔

دفتر خارجہ نے بھارتی ہائی کمشنر ٹی سی اے راگھوان سے ورکنگ باؤنڈری پرفائرنگ کی سخت مذمت بھی کی۔ دفتر خارجہ نے بھارتی ہائی کمشنر کو یاد دہانی کرائی کہ سرحدی علاقوں پر بھارت کی بلااشتعال فائرنگ سیز فائر معاہدے کی خلاف ورزی ہے۔

یاد رہے کہ بھارتی فوج نے کنٹرول لائن پررات گئے بلااشتعال فائرنگ گولہ باری کی جس میں چارواہ سیکٹرپرسجیت گڑھ، کندن پور،دھمالامندروال، خرد، کلاں اور گجراں گاؤں کونشانہ بنایا جبکہ ہڑپال سیکٹر میں بھی فائرنگ کی گئی۔

بھارتی فوج کی اس تازہ جارحیت کے نتیجے میں بچے اور خاتون  سمیت 9 افراد شہید جبکہ 50 زخمی ہوگئے ہیں ۔بھارتی جارحیت کا منہ توڑ جواب دیتے ہوئے چناب رینجرز نے بھی بھرپورکارروائی کی جس پربھارتی توپیں خاموش ہوگئیں۔

بھارتی فوج کے حملے میں زخمی ہونے والوں میں12 بچے اور 22 خواتین بھی شامل ہیں۔

Comments

comments

یہ بھی پڑھیں