The news is by your side.

Advertisement

سندھ اور پنجاب میں نومنتخب بلدیاتی نمائندوں نے حلف اٹھالیا

کراچی: کراچی سمیت سندھ میں آج سے بلدیاتی نظام پھر سے بحال ہوگیا، سندھ بھر میں بارہ ہزار سے زائد نو منتخب بلدیاتی نمائندوں نے حلف اٹھالیا، منتخب بلدیاتی نمائندوں نے حلف برداری کے بعد فرائض کی ادائیگی شروع کر دی۔

سندھ اور پنجاب میں نومنتخب بلدیاتی نمائندوں نے حلف اٹھالیا، سندھ بھر میں بارہ ہزار سے زائد نو منتخب بلدیاتی نمائندوں نے آج حلف اٹھایا، الیکشن کمیشن کی جانب سے تقررکردہ پریذائیڈنگ افسران اور جوڈیشل افسران نےسندھ کے تمام اضلاع میں قائم میونسپل کمیٹی، ٹاؤن کمیٹی، ڈسٹرکٹ کونسل، یونین کونسل اور یونین کمیٹی سے منتخب ہونے والے بلدیاتی نمائندوں سے حلف لیا۔

کراچی میں ایک ہزار پانچ سو بیس منتخب بلدیاتی نمائندوں نے حلف اٹھایا، کراچی کے چھ اضلاع اور ڈسٹرکٹ کونسل میں منتخب ہونے والے چیئرمین وائس چیئرمین، ممبر ڈسٹرکٹ کونسل اور وارڈز کونسلرز کی حلف برداری کی تقریب مختلف مقامات پر منعقد ہوئی۔

کراچی کے چھ ڈسٹرکٹ میونسپل کارپوریشن اور ایک ڈسٹرکٹ کونسل کے بلدیاتی نمائندوں میں دوسو سینتالیس چیئرمین، دوسو سینتالیس وائس چیئرمین، نوسو اٹھاسی وارڈز کونسلرز اور اڑتیس ممبرڈسٹرکٹ کونسل شامل ہیں۔

دوسری جانب لاہور کی دو سو چو ہتر یونین کونسلز سمیت پنجاب بھر کے نو منتخب بلدیاتی نمائندوں نے بھی اپنے عہدوں کا حلف اٹھایا، صوبائی دارالحکومت لاہور میں بلدیاتی نمائندوں کی تقریب حلف برداری ٹاؤن ہال میں منعقد ہوئی، جسمیں یونین کونسلز کے متعلقہ ریٹرننگ افسران نو منتخب چیئرمین ،وائس چیئرمین اور کونسلز سے انکے عہدوں کا حلف لیا۔

Comments

comments

یہ بھی پڑھیں