site
stats
پاکستان

بلدیاتی انتخابات کا تیسرامرحلہ، سندھ حکومت کا فوج تعیناتی کامطالبہ

کراچی : سندھ حکومت نے الیکشن کمیشن سے بلدیاتی انتخابات کے تیسرے مرحلے کے لیے فوج تعینات کرنے کا مطالبہ کردیا، الیکشن کمیشن نے فوج کی تعیناتی کے لیے وزارت داخلہ اور وزارت دفاع کو خطوط ارسال کردیئے۔

سندھ حکومت نے الیکشن کمیشن کو خط تحریر کیا ہے، جس میں بلدیاتی انتخابات کے تیسرے مرحلے کیلئے فوج تعینات کرنے کا مطالبہ کیا گیا ہے ۔ جواب میں الیکشن کمیشن کی طرف سے وزارت داخلہ اور وزارت دفاع کو بھی خطوط ارسال کیے گئے ہیں، جن میں پنجاب ، سندھ اور اسلام آباد میں بلدیاتی انتخابات کیلئے فوج کی فراہمی کا مطالبہ کیا گیا ہے ۔

الیکشن کمیشن کا کہنا ہے کہ اسلام آباد میں فوج کی ایک بٹالین تعینات کی جائے گی، پاک فوج کے جوان باسٹھ عمارتوں پر تعینات ہونگے، باسٹھ عمارتوں میں ایک سو بیس پولنگ اسٹیشن قائم کیے جائیں گے ۔

الیکشن کمیشن نے رینجرز کی تعیناتی کیلئے بھی وزارت داخلہ کو خط لکھا ہے الیکشن کمیشن کا کہنا ہے کہ اسلام آباد میں رینجرز کے چھ سو جوان تعینات کئے جائیں گے.

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top