آزاد جموں وکشمیر میں 31 سال بعد بلدیاتی انتخابات کے پہلے مرحلے کا آغاز ہوگیا ہے اور مظفر آباد ڈویژن کے تین اضلاع میں پولنگ شروع ہوگئی ہے۔
اے آر وائی نیوز کے مطابق آزاد جموں وکشمیر میں 31 سال بعد بلدیاتی انتخابات کے پہلے مرحلے کا آغاز ہوگیا ہے اور مظفر آباد ڈویژن کے تین اضلاع میں پولنگ شروع ہوگئی ہے جو بغیر کسی وقفے کے شام چار بجے تک جاری رہے گی۔
آزاد جموں وکشمیر میں بلدیاتی انتخابات تین مراحل میں کرائے جا رہے ہیں آج پہلے مرحلے میں مظفر آْباد، وادی نیلم اور جہلم ویلی میں پولنگ شروع ہوگئی ہے۔ 76 لاکھ، 97 ہزار 732 مرد وخواتین ووٹرز اپنا حق رائے دہی استعمال کریں گے۔ پولنگ کیلیے ایک ہزار 322 پولنگ اسٹیشن اور پولنگ بوتھ قائم کیے گئے ہیں۔ ان میں 397 مرد، 387 خواتین اور 530 مشترکہ پولنگ اسٹیشن اور پولنگ بوتھ شامل ہیں۔ ان میں سے 418 کو حساس اور 250 سے زائد کو حساس ترین قرار دیا گیا ہے۔
آج انتخابی میدان میں 6 سیاسی جماعتیں میدان میں ہیں جن میں پاکستان تحریک انصاف، پی پی پی، ن لیگ، جماعت اسلامی، تحریک لبیک اور مسلم کانفرنس شامل ہیں تاہم سب سے زیادہ آزاد امیدوار سامنے ہیں۔
31 خواتین اور900 آزاد امیدوار سمیت 2 ہزار 725 امیدوار مدمقابل ہی۔ں جب کہ 19 امیدوار پہلے ہی بلامقابلہ کونسلر منتخب ہوچکے ہیں۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں