سندھ میں بلدیاتی الیکشن کے پہلے مرحلے کے سلسلے میں 14 اضلاع میں ترقیاتی منصوبوں کے اعلان پر پابندی عائد کردی گئی ہے۔
اے آر وائی نیوز کے مطابق سندھ میں بلدیاتی الیکشن کے پہلے مرحلے میں 26 جون کو 14 اضلاع میں الیکشن ہونگے۔
اس سلسلے میں الیکشن کمیشن نے جن 14 اضلاع میں الیکشن ہونے ہیں وہاں ترقیاتی منصوبوں کے اعلان پر پابندی عائد کردی گئی ہے۔
اس کے علاوہ سندھ میں تمام صوبائی محکموں، خودمختار کارپوریشنز، اتھارٹیز میں تبادلوں پر بھی پابندی عائد کردی گئی ہے۔
الیکشن کے پہلے مرحلے کے حوالے سے ہی الیکشن کمیشن، ریٹرننگ، ڈسڑکٹ ریٹرننگ افسران کے دفاتر میں ہفتہ وارتعطیلات بھی ختم کردی گئی ہیں اور 14 اضلاع میں افسران وعملے کی عمومی چھٹیاں الیکشن کمیشن کی پیشگی اجازت سے مشروط کردی گئی ہیں۔
واضح رہے کہ صوبہ سندھ میں بلدیاتی الیکشن کے پہلے مرحلے میں 14 اضلاع میں 26 جون کو انتخابات ہونگے۔
جن اضلاع میں پہلے مرحلے میں الیکشن ہونگے ان میں خیرپور، سکھر، گھوٹکی، نوشہروفیروز، سانگھڑ، بے نظیرآباد، میرپورخاص، عمرکوٹ، تھرپارکر، لاڑکانہ، کشمور، شکارپور، قمبر اور جیکب آباد اضلاع شامل ہیں۔
