اسلام آباد: بلدیاتی انتخابات کی ملتوی نشستوں پرالیکشن کے غیر حتمی غیر سرکاری نتائج کے مطابق پنجاب میں آزاد امیدوار بازی لے گئے سندھ میں پیپلز پارٹی پہلے نمبر پر رہی۔
سندھ اور پنجاب کے بیالیس اضلاع کی دو سو چودہ یونین کونسل میں ضمنی بلدیاتی الیکشن کا تیسرا مرحلہ بھی اختتام پذیر ہوا، غیر حتمی غیر سرکاری نتائج کے مطابق پنجاب میں آزاد امیدوار آگے جبکہ مسلم لیگ(ن) دوسرے نمبر پر رہی۔ تحریک انصاف اس بار بھی تیسرے نمبر پر ہی رہی۔
سندھ میں پاکستان پیپلز پارٹی نے میدان مارا اور اپنے ڈسٹرکٹ ممبران، چئیرمین اور جنرل ممبر منتخب کرانے میں کامیاب رہی، متحدہ قومی موومنٹ دوسرے نمبر پر رہی جبکہ مسلم لیگ (ن) نے تین نشستیں حاصل کیں۔
