کراچی : صدر ڈاکٹرعارف علوی آج شٹل ٹرین کا افتتاح کریں گے -
The news is by your side.

Advertisement

کراچی : صدر ڈاکٹرعارف علوی آج شٹل ٹرین کا افتتاح کریں گے

کراچی : صدر پاکستان ڈاکٹرعارف علوی کراچی سے دھابیجی تک چلنے والی شٹل ٹرین کا آج افتتاح کریں گے۔

تفصیلات کے مطابق صدر مملکت ڈاکٹرعارف علوی آج شٹل ٹرین کا افتتاح کریں گے، اس ٹرین کے ذریعے یکم نومبر سے روزانہ ہزاروں افراد سفری سہولیات حاصل کرسکیں گے۔

ریلوے حکام کے مطابق کراچی سٹی اسٹیشن سے دھابیجی کے لیے شٹل ٹرین صبح 7 بجے اور شام پونے 6 بجے روانہ ہوگی جبکہ دھابیجی سے کراچی سٹی کے لیے صبح 6 بجے اور شام 5 بجے ٹرین روانہ ہوگی۔

ٹرین کا روٹ 65 کلومیٹر پرمحیط ہوگا اور اس کا کم از کم ٹکٹ 25 اور زیادہ سے زیادہ 80 روپے ہوگا۔

یاد رہے کہ گزشتہ روز وفاقی وزیرریلوے شیخ رشید احمد کا کہنا تھا کہ یہ ریل گاڑی وزیراعظم عمران خان کی جانب سے مزدوروں کے لیے تحفہ ہے۔

شیخ رشید احمد کا کہنا تھا کہ پہلے دن تمام مسافر دھابیجی ایکسپریس میں مفت سفر کرسکیں گے، ریل گاڑی سوا 6 بجے چلے گی۔

وزیرریلوے شیخ رشید نے موہن جو دڑو ایکسپریس کا افتتاح کردیا

واضح رہے کہ 16 اکتوبر کو وفاقی وزیرریلوے شیخ رشید احمد کا کہنا تھا کہ 100 روزہ ایجنڈے میں ملک میں ٹرینوں کا جال بچھا دوں گا۔

Comments

comments

یہ بھی پڑھیں