The news is by your side.

Advertisement

لاک ڈاؤن : سندھ پولیس نے جدید ٹیکنالوجی کا استعمال شروع کردیا

کراچی : سندھ سمیت کراچی کے شہری آج سے مزید ہوشیار ہوجائیں کیونکہ اب کوئی بہانہ نہیں چلے گا، کون کتنی بار گھر سے نکلا اور کیوں نکلا، سندھ پولیس کے سامنے ایک کلک پر سارا ڈیٹا سامنے آجائے گا۔

تفصیلات کے مطابق سندھ پولیس نے سٹیزن مانیٹرینگ ایپ کا استعمال شروع کردیا۔ حکومت سندھ نے ایک بار پھرعوام کو تنبیہ کی ہے کہ لاک ڈاون پرعملدرآمد نہ کیا گیا تو کرفیو لگا سکتے ہیں۔

دوسری جانب ذرائع کا کہنا ہے کہ کراچی میں کورونا وائرس مقامی طور پر مزید پچیس افراد میں منتقل ہوگیا ہے، سندھ بھر میں تعداد چارسو پیسنٹھ سے تجاوز کرگئیں۔

حکومت سندھ نے وبا پر قابو پانے کیلئے لاک ڈاؤن مزید سخت کردیا ہے، وزیر ٹرانسپورٹ سندھ اویس قادر شاہ کا کہنا ہے کہ لاک ڈاؤن کی خلاف ورزیاں جاری رہیں تو کرفیو نافذ کرنا ناگزیر ہوجائے گا۔

دوسری جانب کراچی سمیت سندھ بھر میں پولیس اور رینجرز کے ناکے۔۔ مزید سخت ۔۔۔شہری خبرداررہیں کیوںکہ اب کون کتنے بار گھرسے نکلا اور کیوں نکلا؟ سندھ پولیس نے شہریوں کا ڈیٹا جمع کرنے کیلئے بنائی گئی ایپ کا استعمال شروع کردیا۔

حکام کے مطابق سٹیزن مانیٹرنگ ایپ کے آن لائن سسٹم کے تحت ڈیٹا تمام آفسران تک پہنچ جاتا ہے اور اس طرح غیر ضروری گھر سے نکلنے والے افراد کی نشاندہی ہوجاتی ہے۔

fb-share-icon0
Tweet 20

Comments

comments

یہ بھی پڑھیں