The news is by your side.

Advertisement

لاک ڈاؤن میں نرمی، کرکٹ کی سرگرمیاں بحالی کی جانب گامزن

لندن: لاک ڈاؤن میں نرمی کے بعد کرکٹ کی سرگرمیاں بحالی کی جانب گامزن ہے، انگلینڈ کے خلاف ٹیسٹ میچ کی سیریز کے لیے ویسٹ انڈیز کی ٹیم مانچسٹر پہنچ گئی۔

تفصیلات کے مطابق لاک ڈاؤن میں نرمی کے بعد ویسٹ انڈیز کی ٹیم کسی بھی دورے پر پہنچنے والی پہلی ٹیم ہے، ویسٹ انڈیز کے کھلاڑی 3ہفتے بائیو سیکیورٹی انوائرمنٹ میں پریکٹس کریں گے، ویسٹ انڈیز اور انگلینڈ کے درمیان 3ٹیسٹ میچ کی سیریز 8جولائی سے شروع ہوگی۔

ویسٹ انڈیز کی ٹیم 14 رکنی اسکواڈ پر مشتمل ہے جبکہ ٹیم کے ہمراہ اسٹاف کے دیگر 11 افراد بھی مانچسٹر پہنچے ہیں۔ ٹریننگ کیمپ سے پہلے ٹیم کچھ دن قرنطینہ میں گزارے گی۔

ٹیم کے چند نامور کھلاڑیوں نے دورہ انگلینڈ سے انکار کردیا تھا جن میں گویانن پیئر، شمرون، کیمو پاؤل اور ڈیرن براوو شامل ہیں۔ انہوں نے خدشات کا اظہار کرتے ہوئے کہا تھا کہ وہ کرونا صورت حال کے پیش نظر سفر نہیں کرسکتے۔

خیال رہے کہ دنیا بھر میں لاک ڈاؤن میں نرمی کے بعد آہستہ آہستہ کھیلوں کی سرگرمیاں بحال ہورہی ہیں، البتہ نئی پابندی کے تناظر میں بال پر تھوک لگانے پر پابندی ہوگی۔

Comments

یہ بھی پڑھیں