لاہور: پاکستان کرکٹ بورڈ(پی سی بی) نے لاک ڈاؤن کے دوران کھلاڑیوں کی آن لائن ٹریننگ کے لیے لیجنڈری کرکٹرز کی خدمات حاصل کرنے کا فیصلہ کرلیا ہے۔
تفصیلات کے مطابق سابق کرکٹرز ویڈیو لنک کے ذریعے موجودہ کھلاڑیوں کو کھیل کے گر سکھائیں گے، اور میچ کے دوران اپنی کارکردگی کو نکھانے کے لیے حکمت عملی سے بھی روشناس کرائیں گے۔
آن لائن سیشن میں جاوید میانداد اور وسیم اکرم کے علاوہ محمد یوسف، یونس خان، معین خان، مشتاق احمد، راشد لطیف اور شعیب اختر بھی آن لائن سیشنز کے ذریعے موجودہ کھلاڑیوں کو اپنے تجربات سے آگاہ کریں گے۔
پی سی بی کی جانب سے صوبائی کھلاڑیوں کے فٹنس ٹیسٹ مکمل
سیشن میں کُل پینتالیس موجودہ اور ایمرجنگ کرکٹرز شرکت کریں گے۔
خیال رہے کہ گزشتہ دنوں پی سی بی کی جانب سے قومی و صوبائی کھلاڑیوں کے ویڈیو لنک فٹنس ٹیسٹ کیے جا رہے تھے، قومی کے بعد صوبائی کھلاڑیوں کے فزیکل فٹنس ٹیسٹ بھی مکمل ہو گئے ہیں۔
ذرایع کا کہنا ہے کہ ٹرینرز فٹنس ٹیسٹ رپورٹس شعبہ ڈومیسٹک کرکٹ اور چیف سلیکٹر کو بھجوائے گے، ٹرینرز اور صوبائی کوچز نے محدود مواقع کے باوجود کھلاڑیوں کے فٹنس پر اظہار اطمینان کیا۔
