واشنگٹن: امریکا میں لاک ڈاؤن کی خلاف ورزی پر انتظامیہ نے مشہور اسکیٹ پارک کو مٹی سے بھر دیا۔
غیرملکی خبررساں ادارے کی رپورٹ کے مطابق امریکی ریاست کیلیفورنیا میں مشہور ’لوس اینجلس اسکیٹ‘ پارک کو انتظامیہ نے مٹی ڈال کر بھر دیا تاکہ کوئی بھی شہری یہاں کا رخ نہ کرسکے۔
رپورٹ میں کہا گیا ہے کہ لاک ڈاؤن کے باوجود شہری سیروتفریح اور اسکیٹنگ کے لیے پارک کا رخ کررہے تھے جس کے پیش نظر انتظامیہ نے مذکورہ اقدام اٹھایا۔ شعبہ پارک کے ترجمان کہنا ہے کہ ہمیں مسلسل لاک ڈاؤن کی خلاف ورزیوں کی اطلاعات موصول ہورہی ہیں جس کے باعث نئی حکمت عملی تیار کی۔
انہوں نے کہا کہ کروناوائرس کے پیش نظر پارک کو تاحکم ثانی بند کیا گیا ہے، شہری باز نہ آئے تو اس طرح کے اقدامات دیگر تفریحی مقامات سے متعق بھی اٹھائے جاسکتے ہیں۔
ان کا مزید کہنا تھا کہ ہم یہ اپنی اور شہریوں کی حفاظت کے لیے کررہے ہیں، مہلک وبا پر قابو پایا لیا جائے تو ہم پارک دوبارہ کھول دیں گے ، لیکن ابھی شہریوں کو چاہیے کہ وہ اسکیٹ پارک کا استعمال نہ کریں۔
