The news is by your side.

Advertisement

لاک ڈاؤن پورے ماہ رمضان جاری رہے گا، سندھ حکومت کا اعلان

کراچی: وزیر اطلاعات سندھ ناصر حسین شاہ کا کہنا ہے کہ لاک ڈاؤن پورے ماہ رمضان جاری رہے گا۔

تفصیلات کے مطابق وزیر اطلاعات سندھ ناصر حسین شاہ نے اے آر وائی نیوز سے خصوصی گفتگو کرتے ہوئے کہا کہ سندھ میں لاک ڈاؤن پورے ماہ رمضان جاری رہے گا، لاک ڈاؤن میں توسیع کے لیے نئے نوٹیفکیشن کی ضرورت نہیں، 23 اپریل کو جاری نوٹیفکیشن ماہ رمضان کے لیے ہی تھا۔

انہوں نے کہا کہ کل جمعہ کو 12 سے 3 بجے تک مکمل لاک ڈاؤن رہے گا، علما اور عوام سے اپیل ہے کہ پہلی کی طرح اس جمعہ کو بھی لاک ڈاؤن کا احترام کریں۔

وزیر اطلاعات سندھ نے کہا کہ تاجروں کو عید سے پہلے کاروباری سہولتوں کے لیے کمیٹی بنادی ہے، تاجروں کی سہولیات کے لیے جلد اعلان کریں گے، کرونا وائرس لمبا چلے گا، اب ہماری ایس اوپیز بھی طویل ہوں گی۔

مزید پڑھیں: سندھ میں لاک ڈاؤن ختم کرنے کی کوئی تجویز زیر غور نہیں، ناصر حسین شاہ

ناصر حسین شاہ نے کہا کہ وفاق سے لاک ڈاؤن پر ابہام پیدا کرنے والے پیغامات جاری نہیں ہونے چاہئے تھے، صدر مملکت نے اچانک دورہ ملتوی کیا، ہماری تیاری پوری تھی، ثانیہ نشتر اور ڈاکٹر ظفر مرزا کو بھی آنا تھا۔

واضح رہے کہ اس سے قبل ناصر حسین شاہ کا کہنا تھا کہ صوبے میں لاک ڈاؤن ختم کرنے کی کوئی تجویز زیر غور نہیں، لاک ڈاؤن کے خاتمے کا جھوٹا پراپیگنڈہ کیا جارہا ہے، حکومت سندھ کے لیے عوام کی جانوں سے بڑھ کر کچھ نہیں۔

fb-share-icon0
Tweet 20

Comments

comments

یہ بھی پڑھیں