لودھراں: صوبہ پنجاب کے ضلع لودھراں میں دلخراش واقعہ پیش آیا ہے، جہاں کمرے کی چھت گرنے سے پانچ بچے جاں بحق جبکہ تین زخمی ہوگئے۔
ریسکیو ذرائع کے مطابق اڈا سکندری کےقریب کمرے کی چھت گرنےسے پانچ بچےجاں بحق جبکہ تین زخمی ہوئے، واقعے کی اطلاع ملنے پر ریسکیو ٹیم نے موقع پر پہنچ کر ریسکیو آپریشن کیا اور جاں بحق و زخمی بچوں کو ملبے تلے نکال کر اسپتال منتقل کیا،جہاں زخمی بچوں کو طبی امداد دی جارہی ہے۔
ریسکیو ذرائع کا کہنا ہے کہ بچے کمرے میں ٹی وی دیکھ رہےتھے کہ چھت گر گئی۔
وزیراعلیٰ پنجاب سردار عثمان بزدار نے لودھراں میں گھر کی چھت گرنے سے بچوں کے جاں بحق ہونے کے افسوسناک واقعے پر لواحقین سے دلی ہمدردی واظہار تعزیت کیا ہے۔
عثمان بزدار نے اپنے بیان میں کہا کہ دکھ کی گھڑی میں جاں بحق بچوں کے لواحقین کے ساتھ کھڑے ہیں ، پنجاب حکومت کی ہمدردیاں جاں بحق بچوں کے لواحقین کیساتھ ہیں، وزیراعلیٰ پنجاب نے زخمیوں کو علاج کی بہترین سہولتیں فراہم بھی کیں۔
