The news is by your side.

Advertisement

این اے 154: وزیر اعظم کو دورے سے روکنے کیلئے پی ٹی آئی متحرک

اسلام آباد : وزیر اعظم نواز شریف کو لودھراں کے دورے سے روکنے کیلئے پی ٹی آئی نے کوششیں کرنا شروع کردیں۔

تفصیلات کے مطابق پی ٹی آئی کے رہنماجہانگیر ترین نے چیف الیکشن کمشنر کو خط لکھا ہے جس میں انہوں نے وزیراعظم نواز شریف کو لودھراں کے دورے سے روکنے کی استدعا کی گئی ہے۔

جہانگیر ترین کے چیف الیکشن کمشنرکولکھے گئے خط میں کہا ہے کہ وزیراعظم نوازشریف لودھراں کا اچانک دورہ کررہے ہیں، اطلاعات ہیں کہ وزیراعظم دس ارب روپے کے ترقیاتی پیکیج کااعلان کرینگے۔

جہانگیر ترین نےخط میں کہاکہ وزیر اعظم کالودھراں کا اچانک دورہ انتخاب سے قبل دھاندلی کے زمرے میں آتاہے، چیف الیکشن کمشنر نوٹس لیکر وزیراعظم کو فوری طورپردورہ کرنے سے روکیں۔

پی ٹی آئی رہنماکا کہنا تھا کہ این اے ایک سو چون میں سپریم کورٹ کی جانب سے دوبارہ انتخاب کے حکم کو نو روز گزر گئے ہیں مگرتاحال الیکشن کمیشن نے ضمنی الیکشن کے لئے تاریخ کا اعلان نہیں کیا۔

چیف الیکشن کمشنر اس حوالے سے بھی تحفظات دور کریں۔

Print Friendly, PDF & Email

Comments

comments

یہ بھی پڑھیں