تازہ ترین

علی امین گنڈاپور وفاق سے روابط ختم کر دیں، اسد قیصر

اسلام آباد: رہنما پاکستان تحریک انصاف اسد قیصر نے...

وزیراعظم شہبازشریف کو امریکی صدر جو بائیڈن کا خط، نیک تمناؤں کا اظہار

واشنگٹن: امریکی صدر جو بائیڈن نے وزیر اعظم شہباز...

بابر اعظم کو دوبارہ قومی ٹیم کا کپتان بنانے کا فیصلہ ہو گیا

پاکستان کرکٹ بورڈ نے بابر اعظم کو ایک بار...

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

لندن برج واقعے کے سبب ڈاکٹرز سے طے شدہ وقت منسوخ کرنا پڑا: شہباز شریف

لندن: پاکستان مسلم لیگ ن کے صدر میاں شہباز شریف نے کہا ہے کہ لندن برج واقعے کے سبب نواز شریف کے لیے ڈاکٹرز سے طے شدہ وقت منسوخ کرنا پڑا تھا۔

تفصیلات کے مطابق قومی اسمبلی میں اپوزیشن لیڈر شہباز شریف نے کہا ہے کہ گزشتہ روز ڈاکٹرز سے طے شدہ وقت منسوخ کرنا پڑ گیا تھا، ڈاکٹرز آج (پیر کے دن) نواز شریف کا معائنہ کریں گے۔

شہباز شریف کا کہنا تھا کہ آج پلیٹ لیٹس اور بون میرو ٹیسٹ کی رپورٹ ملنے کا بھی امکان ہے، نواز شریف کا معائنہ گائز اسپتال میں ہوگا۔

یاد رہے کہ گزشتہ ہفتے نواز شریف کے ذاتی معالج ڈاکٹر عدنان نے واضح کیا تھا کہ نواز شریف کی صحت راتوں رات ٹھیک نہیں ہو سکتی، بحالی کے عمل میں مزید چند ماہ لگ سکتے ہیں۔ لندن میں میڈیا سے گفتگو کرتے ہوئے انھوں نے کہا نواز شریف کا علاج وہیں سے شروع کیا گیا ہے جہاں سے پاکستان میں چھوڑا گیا تھا، کنسلٹنٹس کی پوری ٹیم علاج کی نگرانی کر رہی ہے۔

نواز شریف کی پلیٹ لیٹس سے متعلق ایک سوال کے جواب میں ڈاکٹر عدنان نے جواب دیا تھا کہ بہت سی معلومات پرائیویٹ ہیں جو نہیں بتائی جا سکتیں۔ آنے والے دنوں میں ڈاکٹرز کے ساتھ متعدد اپائنٹمنٹس طے ہیں، نواز شریف کو اسٹیرائیڈز کے سائیڈ ایفیکٹس بہت زیادہ ہیں۔

Comments

- Advertisement -