The news is by your side.

Advertisement

مشتعل نوجوان کی نواز شریف کی موجودگی میں لندن فلیٹ کے دروازے پر لاتیں

لندن : شریف خاندان کے ایون فیلڈ فلیٹس کے باہر مشتعل نوجوان نے فلیٹ کے دروازے پر لاتیں ماریں اور غصے کا اظہار کیا، واقعے کے وقت نواز شریف بھی موجود تھے۔

تفصیلات کے مطابق لندن میںشریف خاندان کے ایون فیلڈ اپارٹمنٹس کے باہر ایک نوجوان نے غصے کی حالت میں فلیٹ کے دروازے پر لاتیں ماریں اس نوجوان کے آنے سے چند لمحے قبل سابق وزیر اعظم نواز شریف فلیٹ میں داخل ہورہے تھے اور ان کے دونوں بیٹے حسن نواز اور حسین نواز فلیٹ کے دروازے پر ہی موجود تھے.

مشتعل نوجوان کو دیکھ کر نوازشریف اور دونوں بیٹے باہر نہیں نکلے، اس موقع پر مشتعل نوجوان نے نوازشریف کے ساتھی اعجازگل پر کرسی پھینک دی اور باہر نکل گیا۔

اطلاع ملتے ہی پولیس کی بھاری جؤنفری جائے وقوعہ پر پہنچ گئی ، پولیس کو لیگی کارکنان نے بتایا کہ نوجوان مسلح ہے اور اس کے پاس چاقو ہے، بعد ازاں پولیس کو اس نوجوان کی گاڑی کی تلاشی میں کچھ نہ ملا، جسے شناخت کے بعد چھوڑ دیا گیا۔


خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔ 

Comments

comments

یہ بھی پڑھیں