The news is by your side.

Advertisement

لندن : بیوی اور بیٹے کے سامنے شہری کو گولیاں مار کر قتل کردیا گیا

لندن : مسلح افراد نے کرسمس کے موقع پر36سالہ شخص کو اس کی بیوی اور بچے کے سامنے گولیاں مار کر ہلاک کردیا، ملزمان واردات کے بعد فرار ہونے میں کامیاب ہوگئے، مقتول ٹی وی اداکارہ کا بھائی تھا۔

تفصیلات کے مطابق لندن کے بیٹرسی چرچ روڈ پر ایک سوئیڈش شخص کو اس وقت گولیاں مار کر ہلاک کردیا گیا جب وہ اپنے گھر کے قریب تھا، واردات کے وقت اس کی بیوی اور چھوٹے بیٹا بھی پاس ہی موجود تھے۔

کرسمس کی رات نو بجے مسلح افراد 36 سالہ فلیمور ‘الیکس’ باقری کو قتل کرنے کے بعد آسانی سے فرار ہونے میں کامیاب ہوگئے، فائرنگ کی آوز سن کر اس کا پڑوسی بھی پہنچ گیا اور زخمی شخص کو فرسٹ ایڈ دینے کی کوشش کی تاہم وہ زخموں کی تاب نہ لاتے ہوئے جائے وقوعہ پر ہی چل بسا۔

اس حوالے سے غیر ملکی خبر رساں ادارے کا کہنا ہے کہ قتل ہونے والے شخص کی بہن برطانیہ کے نجی ٹی وی کے رئیلٹی شو میں بحیثیت اداکارہ کام کرتی ہے۔

میٹرو پولیٹن پولیس نے لاش کو تحویل میں لے کر قانونی کارروائی کا آغاز کردیا ہے تاہم اب تک کوئی گرفتاری عمل میں نہیں لائی گئی ہے اور قتل کے اسباب کے بارے میں پولیس کو شواہد نہیں ملے ہیں میٹرو پولیٹن پولیس کے مطابق یہ 11 سالوں میں ریکارڈ ترین ریکارڈ ہے۔

Comments

یہ بھی پڑھیں