لندن میں آج پھر فائرنگ، ایک شخص زخمی، بارہ افراد گرفتار -
The news is by your side.

Advertisement

لندن میں آج پھر فائرنگ، ایک شخص زخمی، بارہ افراد گرفتار

لندن : برطانیہ میں آج پھرفائرنگ سے ایک شخص زخمی ہوگیا۔ دہشت گرد حملوں کے بعد پولیس کارروائیوں میں بارہ افراد گرفتار کرلیے گئے۔ دہشتگرد حملوں کے بعد لندن پولیس ایکشن میں آگئی، مشرقی علاقے بارکنگ میں کارروائی کر کے بارہ افراد کو گرفتار کرلیا گیا۔

برطانوی میڈیا کے مطابق بارکنگ میں کارروائی کے دوران ایک حملہ آور کے فلیٹ پر بھی چھاپہ مارا گیا۔ علاوہ ازیں آج ایسٹ ہیم میں فائرنگ کے واقعے میں ایک شخص زخمی ہوگیا۔

یاد رہے کہ گزشتہ رات لندن بریج پر حملہ آوروں نے تیزرفتار وین سےمتعدد راہگیروں کوکچل دیا تھا ۔ واقعے کےبعد پل پر افراتفری مچ گئی۔ جان بچانے کیلئے کئی افراد نےدریامیں چھلانگ بھی لگائی۔

دوسراحملہ لندن بریج سے کچھ دور واقع معروف فوڈ مارکیٹ بورو میں ہوا۔ تین حملہ آوروں نے ریسٹورنٹ میں گھس کر چاقو سےشہریوں پر حملہ کیا۔


مزید پڑھیں : لندن : دہشت گرد حملوں میں‘7افراد ہلاک‘متعدد زخمی


پولیس نے جائے وقوعہ پرتینوں دہشت گردوں کومار گرایا، ہلاک حملہ آوروں نےجعلی خودکش جیکٹس پہن رکھی تھیں۔ دونوں دہشت گرد حملوں میں سات افراد ہلاک اور اڑتالیس زخمی ہوئے تھے۔

واضح رہے کہ اس سے قبل بائیس مئی کو مانچسٹر ایرینا میں کنسرٹ کے دوران خودکش حملےمیں بائیس افراد کی جان گئی تھی۔

Comments

comments

یہ بھی پڑھیں