لندن: برطانوی پارلیمنٹ سے بھارتی ہائی کمیشن تک کشمیر آزادی مارچ کیا گیا، احتجاجی مظاہرین کے شرکا نے مہاتما گاندھی کے مجسمے کو کشمیری پرچم تھما دیا۔
غیرملکی خبررساں ادارے کے مطابق لندن میں کشمیری آزادی مارچ کے شرکا نے بھارتی ہائی کمیشن کے باہر احتجاج کیا اور مہاتما گاندھی کے مجسمے کو بھی کشمیری پرچم پکڑا دیا۔
شرکاء کی جانب سے بھارتی ہائی کمیشن کے دروازے پر انڈوں، ٹماٹروں کی بارش کی گئی، بھارتی ہائی کمیشن کے باہر دھویں کے گولے پھینکے گئے اور مشتعل مظاہرین نے بھارتی ہائی کمیشن کے شیشے توڑ دئیے۔
[bs-quote quote=”بھارتی ہائی کمیشن کے باہر مظاہرین نے گھیرے میں لے کر نریندر مودی کے خلاف زبردست نعرے بازی کی” style=”style-8″ align=”left”][/bs-quote]
برطانیہ بھر کے کشمیری و مقامی کمیونٹیز کی کثیر تعداد مارچ میں شریک ہوئی، شرکا نے کشمیر میں مظالم کے خلاف بینرز، پوسٹرز اٹھا رکھے تھے۔
لندن میں بھارتی ہائی کمیشن کے باہر مظاہرین نے گھیرے میں لے کر نریندر مودی کے خلاف زبردست نعرے بازی کی۔
کشمیریوں کے جلوس کے روٹ پر ٹریفک مکمل جام ہوگیا، بعدازاں کشمیریوں کے مظاہرے کے دوران 15 ارکان پارلیمنٹ نے 10 ڈاؤننگ اسٹریٹ پر پٹیشن پیش کی۔
واضح رہے کہ مقبوضہ کشمیر میں بھارت کی جبری پابندیوں اور لاک ڈاؤن کو ایک ماہ گزر گیا ہے۔
کشمیر میڈیا سروس کے مطابق مقبوضہ وادی میں ایک ماہ سے سب کچھ بند، مواصلاتی رابطے معطل ہیں جس کے باعث بیرونی دنیا سے رابطہ منقطع ہے۔
وادی میں کھانے پینے کی اشیا اور دواؤں کی قلت میں اضافہ ہوگیا ہے، سخت ترین کرفیو اور تمام پابندیوں کے باوجود کشمیریوں کی مزاحمت جاری ہے۔