The news is by your side.

Advertisement

لندن : بھارتی ہائی کمیشن کے سامنے کشمیریوں کا زبردست احتجاجی مظاہرہ

لندن/ برمنگھم : مقبوضہ کشمیر کی خصوصی حیثیت ختم کرنے کیخلاف لندن میں مقیم کشمیریوں نے بھارت کے خلاف زبردست احتجاجی مظاہرہ کیا، ریڈ فورڈ سٹی سینٹر میں بھی اوورسیز کمیونٹی بھارتی جارحیت کیخلاف سڑکوں پر نکل آئی۔

تفصیلات کے مطابق بھارت کی جانب سے مقبوضہ کشمیر کی جداگانہ حیثیت کے باقاعدہ خاتمے پر دنیا بھر میں مقیم کشمیری سراپا احتجاج بن گئے ہیں۔ لندن میں بھارتی ہائی کمیشن کے سامنے کشمیریوں نے مظاہرہ کیا۔

مظاہرین نے بھارت کے خلاف شدید نعرے بازی کی۔ کشمیریوں نے آزادی کے حق میں نعرے لگائے، اس کے علاوہ برمنگھم بریڈ فورڈ سٹی سینٹر میں اوورسیز کمیونٹی نے بھی بھارت کے خلاف مظاہرہ کیا۔

مقبوضہ کشمیر کی خصوصی حیثیت کے خاتمے اور مزید فوج کی تعیناتی پر لندن میں سراپا احتجاج مظاہرین کا کہنا تھا کہ بھارت کشمیر میں اسرائیل کی طرز پر آپریشن کرنے جا رہا ہے۔

واضح رہے کہ بھارت نے آئین کے آرٹیکل 370 کا خاتمہ کر کے مقبوضہ کشمیر کی جداگانہ حیثیت کا خاتمہ کردیا ہے جس پر دنیا بھر کے کشمیری سراپا احتجاج ہیں۔

برسلز میں یورپی کشمیر کونسل کے چیئرمین علی رضا نے اپنے بیان میں کہا کہ اب جموں و کشمیر کی حیثیت 1947 جیسی ہو گئی ہے، جموں و کشمیر کی جداگانہ حیثیت ختم کر کے کشمیر کا بھارت سے مشروط الحاق ختم کر دیا گیا ہے، اس لیے اقوام متحدہ اپنی امن فوجیں مقبوضہ وادی روانہ کرے۔

Comments

comments

یہ بھی پڑھیں