The news is by your side.

Advertisement

برطانیہ میں مسلمانوں‌ کے خلاف نفرت انگیز خط کی تقسیم

لندن: برطانیہ میں تین اپریل کو مسلمانوں کو سزا دینے کا دن کے خط تقسیم کردئیے گئے، نفرت انگیز خط کے بارے میں تحقیقات کا آغاز کردیا گیا۔

برطانوی خبر رساں ادارے کے مطابق برطانیہ میں خط تقسیم کئے گئے ہیں جس میں تین اپریل کو ’پنش اے مسلم ڈے‘ یعنی مسلمانوں کو سزا دینے کا دن، کے طور پر منانے کو کہا گیا ہے۔

خط میں مسلمانوں کے خلاف مختلف پرتشدد اقدامات اور ان کے نتیجے میں دئیے جانے والے پوائنٹس کا ذکر ہے، نفرت پر مبنی اس خط کے بارے میں لندن پولیس کے انسداد دہشت گردی یونٹ کے افسران نے تحقیقات کا آغاز کردیا ہے۔

کاؤنٹر ٹیررازم پولیس کے چیف سپرنٹنڈنٹ مارٹن سنوڈن کا کہنا ہے کہ ہم مذہب کی بنیاد پر نفرت کو بہت سنجیدگی سے لیتے ہیں، افسران اس حوالے سے ملنے والی اطلاعات کی مکمل تحقیقات کررہے ہیں۔

مارٹن سنوڈن کا کہنا ہے کہ ان خطوط کو جاری کرنے کا مقصد مسلمانوں کے جذبات کو مجروح کرنا اور ان کو ڈرانا ہے، اس کے ساتھ وہ ہمیں تقسیم کرنے کی بھی کوشش کررہے ہیں۔

دوسری جانب گزشتہ روز پاکستانی نژاد رکن پارلیمنٹ محمد یاسین کو بھی ایک مشکوک پارسل موصول ہوا تھا، جس کو پولیس نے قبضے میں لے لیا تھا تاہم اس پارسل سے کوئی نقصان دہ چیز برآمد نہیں ہوئی تھی۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

Print Friendly, PDF & Email

Comments

comments

یہ بھی پڑھیں