The news is by your side.

Advertisement

لندن والے مگرمچھ کے آنسو نہ بہائیں، ایم کیو ایم پاکستان

کراچی: متحد ہ قومی موومنٹ (پا کستان ) کے تر جمان نے کہا ہے کہ لندن والے مگرمچھ کے آنسو بہانے کے بجائے عامر خان کی باتوں کا جواب دے، نشتر پارک کا جلسہ عوامی ریفرنڈم میں تبدیل ہوگیا،ایم کیو ایم کو پہلے بھی کوئی تقسیم نہیں کرسکا اور نہ اب کرنے دیں گے۔

متحدہ قومی موومنٹ (پاکستان) کی جانب سے جاری بیان میں کہا گیا ہے کہ ’’لندن ٹولہ عامر خان سے متعلق گمراہ کن پروپیگنڈا کررہا ہے جو کھسیانی بلی کھمبا نوچے کے مترادف ہے، عامر خان نے اپنے خطاب میں حقائق کا آئینہ دکھایا ہے‘‘۔

ایم کیو ایم کے ترجمان نے مزید کہا کہ ’’مفاد پرست ٹولے کا برہم ہونا یکجہتی کی کوششوں کو سبوتاژ نہیں کرسکتا، شہیدوں کی قربانیوں پر لندن کے جو لوگ مگرمچھ کے آنسو بہا رہے ہیں انہیں چاہیے کہ وہ عامر خان کے بیان کردہ حقائق کا جواب دیں‘‘۔

پڑھیں: ’’ عامر خان کے الزامات بے بنیاد ہیں، ترجمان متحدہ، عوام کی خاطر خاموش ہوں، بابر غوری ‘‘

متحدہ کے ترجمان نے کہا کہ ’’ایم کیوایم پاکستان کا ہررہنما قوم کو متحد کرنے میں مصروف عمل ہے یہی وجہ ہے کہ عوام ہمارے ساتھ کھڑی ہے اور انہوں نے بھروسہ کرتے ہوئے کل کے جلسے کو ریفرنڈم ثابت کردیا۔ کراچی کے غیورعوام پاکستان کے ساتھ ہیں لہذا انہیں اکسانے اور منتشر کرنےسے گریز کیا جائے‘‘۔

مزید پڑھیں: ’’ لندن ٹولے نے شہدا کے لہو کا سودا کیا، عامر خان ‘‘

رابطہ کمیٹی پاکستان کے ترجمان نے کہا کہ ’’جلسے میں شرکت کرنے والے لوگوں کو دھمکیاں دی جارہی ہے اور اراکین اسمبلی کی تضحیک بھی کروائی جارہی ہے، ایسے عمل میں ملوث لوگ قوم کو منتشر کرنے کی خواہش رکھتے ہیں تاہم کل عوام نے ایسے تمام عناصر کو کرارا جواب دے دیا جس پر لندن کے لوگوں کو اپنی اصلاح کرنی چاہیے‘‘۔

Print Friendly, PDF & Email

Comments

comments

یہ بھی پڑھیں