مخالفین میں نہ مانوں والی بات پر قائم ہیں، نوازشریف -
The news is by your side.

Advertisement

مخالفین میں نہ مانوں والی بات پر قائم ہیں، نوازشریف

لندن : وزیر اعظم نواز شریف نے کہا ہے کہ پاناما لیکس میں کہیں بھی میری ذات پر الزام نہیں لگایا گیا لیکن اس کے باوجود ہم چاہتے ہیں کہ انکوائری کمیشن ضرور بنے۔

ان خیالات کا اظہار انہوں نے لندن سے وطن واپسی کے موقع پر ایئرپورٹ روانگی سے قبل صحافیوں سے گفتگو کرتے ہوئے کیا۔

انہوں نے کہا کہ کہ آج پاکستان واپس جا رہا ہوں، لندن علاج کرانے آیا تھا جس پر میرے مخالفین نے میرے خلاف پراپیگنڈہ شروع کر دیا، میرے مخالف ہی پراپیگنڈے کا جواب دے سکتے ہیں ۔ْ

انہوں نے کہا کہ اللہ کرے دھرنا دینے والوں کو بھی پاکستان کی خوشحالی اتنی عزیز ہو جتنی ہمیں ہے۔ پاکستان کی قوم دھرنا نہیں چاہتی، ہم دنیا سے بہت پیچھے رہ گئے ہیں اور اب ہم نے ترقی کا سفر دوبارہ شروع کیا ہے۔

انہوں نے کہا کہ میں نہ مانوں والی سیاست 1990 کی دہائی میں دفن ہوگئی تھی لیکن بدقسمتی سے وہی سیاست اب دوبارہ شروع ہوگئی ہے ۔

دھاندلی کا شور مچانے والوں نے اسپیکر کے انتخابات کے نتائج دوسری بار بھی تسلیم نہیں کئے۔ ۔ وزیر اعظم نے کہا کہ جب دھرنے ہوئے تھے تو اس وقت طے ہوا تھا کہ اس معاملے کو سپریم کورٹ کے سپرد کیا جائے گا ۔

مخالفین میں نہ مانوں والی بات پر قائم ہیں اور اب پھر دوبارہ چند سیاستدان جو میچور نہیں ہیں وہ گند ڈال رہے ہیں۔

 

Comments

comments

یہ بھی پڑھیں