The news is by your side.

Advertisement

لندن : مسلم لیگ ن کے کارکنوں کا جمائما کے گھر کے باہر احتجاج

لندن : پاکستان مسلم لیگ ن کی جانب سے لندن میں پاکستان تحریک انصاف کے چیئرمین عمران خان کی سابق اہلیہ جمائما گولڈ اسمتھ کی رہائش گاہ کے باہر احتجاجی مظاہرہ کیاگیا.

تفصیلات کے مطابق مظاہرے میں برطانیہ بھر سے مسلم لیگ ن کے کارکنوں نے شرکت کی مظاہرے میں شریک افراد نے ہاتھوں میں پلےکارڈ اور مسلم لیگ ن کے پرچم اٹھائے ہوئے تھے.

احتجاج کے دوران کارکنوں کی جانب سے اپنے قائد میاں محمد نواز شریف کی جلد صحت یابی کےلیے دعا بھی مانگی گئی جبکہ عمران خان اور ان کی جماعت کے خلاف بھی شدید نعرے بازی کی گئی.

مظاہرین سے خطاب کرتے ہوئے مسلم لیگ ن کی برطانوی قیادت کا کہنا تھا کہ جب تک پی ٹی آئی ہمارے قائد میاں محمد نواز شریف کے پارک لین میں واقع رہائش گاہ کے باہر احتجاج کرتی رہے گی تو ہم بھی مظاہروں کا سلسلہ جاری رکھیں گے.

یاد رہے کہ یہ احتجاج گزشتہ روز پی ٹی آئی کی جانب سے میاں نواز شریف کی رہائش گاہ کے باہر احتجاج کے جواب میں کیا گیا

Comments

comments

یہ بھی پڑھیں