The news is by your side.

Advertisement

ایم کیو ایم اور پی پی کی جملہ بازی، سندھ اسمبلی میدان جنگ بن گیا

کراچی: سندھ اسمبلی میں ایم کیوایم اورپیپلزپارٹی ارکان کے درمیان ہاتھ پائی ہوگئی، مخالفانہ جملہ بازی کے بعد ایوان میدان جنگ بن گیا۔

تفصیلات کے مطابق اسپیکر آغا سراج درانی کی سربراہی میں سندھ اسمبلی کا اجلاس شروع ہوا تو بجٹ پر بات کرتے ہوئے ایم کیو ایم کے رکن عبداللہ نے پیپلزپارٹی کی قیادت کو تنقید کا نشانہ بنایا جس پر پی پی رکن شمیم ممتاز نے کہا کہ کچھ لوگ عظیم ہوتے ہیں کچھ لوگ محنت سےعظیم ہوتے ہیں اورکچھ لوگ ایسے بھی ہوتے ہیں کہ عظمت کو خود پرطاری کرلیتے ہیں، اگر دبئی کی بات نکلی تو ہم لندن کی بات کریں گے۔

بعد ازاں ایم کیو ایم کے رکن فاروق عظیم نے پیپلزپارٹی کے رکن اسمبلی مکیش چاؤلہ پر تنقید شروع کردی جس کے بعد دونوں ارکان نے نشستوں سے اٹھ کر اسپیکر کی ڈائس کے سامنے جھگڑنا شروع کردیا، سندھ اسمبلی میں ایم کیوایم پیپلزپارٹی جھڑپیں ہوتی رہتی ہیں، لیکن ہاتھاپائی کی نوبت پہلی بار آئی۔

ویڈیو میں دیکھا جاسکتا ہے کہ غصے میں بھرے ایم کیوایم کے عظیم فاروقی آگے بڑھے، سردار احمد نے پکڑنے کی کوشش کی لیکن مکیش چاولہ سےدو بدو ہوگئے،ایم کیوایم کے خواجہ اظہارالحسن نے بھی صلح کرانے کی کوشش کی۔


Clash in Sindh Assembly Session between MQM and… by arynews

Print Friendly, PDF & Email

Comments

comments

یہ بھی پڑھیں