لندن: ایک دن میں ڈیڑھ لاکھ پاؤنڈ خرچ کرنے والی خاتون گرفتار Zamira Hajiyeva
The news is by your side.

Advertisement

لندن: ایک دن میں ڈیڑھ لاکھ پاؤنڈ خرچ کرنے والی خاتون گرفتار

لندن : برطانوی دارالحکومت سے ڈیڑھ لاکھ پاؤنڈ کے زیورات خریدنے والی خاتون ضمیرہ ہاجیوہ کو ذرائع آمدن چھپانے پر برطانیہ کے اینٹی کرپشن حکام نے گرفتار کرلیا۔

تفصیلات کے مطابق برطانیہ کے دارالحکومت لندن میں ایک دن میں ڈیڑھ لاکھ پاؤنڈ کی خریداری کرنے والی خاتون چند برسوں میں کروڑوں ڈالر کی خریداری کرنے پر برطانیہ کے انسداد کرپشن قانون کی گرفت میں آگئی ہے۔

غیر ملکی خبر رساں ادارے کا کہنا تھا کہ برطانیہ میں لاکھوں پاؤنڈ کی خریداری کرنے والی خاتون کا تعلق آذربئجان سے ہے جس نے 10 برسوں کے دوران 2 کروڑ دس لاکھ ڈالر کی خریداری کی ہے۔

مقامی میڈیا کا کہنا تھا کہ خاتون کا لندن میں ساڑھے سات ملین پاؤنڈ کا گھر ہے، وہ پرائیویٹ جیٹ پر سفر کرتی ہیں اور انھوں نے لندن کے ہیروڈز نامی ڈیپارٹمنٹ اسٹور سے گذشتہ برس ایک لاکھ 50 لاکھ پاؤنڈز جبکہ دس برسوں میں 1 کروڑ 60 لاکھ پاؤنڈ (تقریباً ڈھائی ارب روپے) خرچ کیے تھے۔

برطانوی خبر رساں ادارے کا کہنا تھا کہ لاکھوں پاؤنڈ کی خریداری کرنے والی خاتون کو اپنے ذرائع آمدن خفیہ رکھنے سے متعلق مقدمے میں شکست ہوچکی ہے۔

مقامی خبر رساں اداروں کا کہنا ہے کہ آذربائیجان سے تعلق رکھنے والی خاتون ضمیرہ ہاجیوہ سے برطانیہ کے اینٹی کرپشن کے ادارے نے تفتیش کا شروع کردی ہے۔

برطانوی میڈیا کا کہنا ہے کہ اگر خاتون عدالت میں اپنے ذرائع آمدن سے متعلق تسلی بخش جواب نہ دے سکیں تو حکومت خاتون کا 1 کروڑ ڈالر سے زائد مالیت کا گھر اور گلف کورس ضبط کرسکتی ہے۔

غیر ملکی خبر رساں ادارے کا کہنا تھا کہ ضمیرہ ہاجیوہ اور ان کے خاوند جہانگیر ہاجیوہ کو برطانیہ کی نیشنل کرائم ایجنسی کو لندن کے قریب کروڑوں پاؤنڈ مالیت کا گھر کیسے خریدا، آگاہ کرنا ہوگا۔

خیال رہے کہ خاتون نے شاپنگ کرنے والی خاتون نے ایک دن میں ایک لگژری شاپ سے ڈیڑھ لاکھ پاؤنڈز (تقریباً ڈھائی کروڑ روپے) کے زیورات خریدے، اس شاپنگ کے لیے خاتون نے پینتیس کریڈٹ کارڈز استعمال کیے تھے۔

Comments

comments

یہ بھی پڑھیں