The news is by your side.

Advertisement

لارڈز ٹیسٹ کو کیوں روک دیا گیا

لارڈز: آسٹریلیا سے تعلق رکھنے والے لیجنڈری لیگ اسپنر شین وارن کو انگلینڈ اور نیوزی لینڈ کے کرکٹرز نے خراج تحسین پیش کرنے کیلئے میچ کو 23 سیکنڈز تک روکا گیا۔

تفصیلات کے مطابق انگلینڈ اور نیوزی لینڈ کے مابین لارڈز کرکٹ گراؤنڈ پر جاری ٹیسٹ میچ کے پہلے روز 23 اوورز کے بعد لیجنڈری اسپنر شین وارن کو خراج تحسین پیش کرنے کیلئے میچ کے دوران گراؤنڈ میں لگی بڑی اسکرین پر شین وارن کی ویڈیو چلائی گی اور 23 سیکنڈز کیلئے میچ کو روکا گیا۔

اس دوران دونوں ٹیموں کے کھلاڑیوں، امپائرز، تمائشیوں اور کمنٹیٹرز کی جانب سے 23 سیکنڈز کیلئے تالیاں بجائی گئی۔

یہ بھی پڑھیں: شین وارن کی موت، تحقیقات میں سنسنی خیز انکشاف

خیال رہے کہ سابق آسٹریلوی لیگ اسپنر 4 مارچ کو 52 سال کی عمر میں تھائی لینڈ میں انتقال کر گئے تھے۔ شین وارن ٹیسٹ کرکٹ کی تاریخ میں متھیا مرلی دھرن کے بعد دوسرے سب سے زیادہ وکٹ لینے والے بولر ہیں، انہوں نے ٹیسٹ کیرئیر کے دوران 708 کھلاڑیوں کو پویلین کی راہ دکھائی۔

وارن نے آسٹریلیا کے لیے 194 ایک روزہ میچ کھیلے جس میں انہوں نے 293 وکٹیں حاصل کیں۔

Comments

یہ بھی پڑھیں