لاس اینجلس: امریکی شہر لاس اینجلس میں خوفناک دھماکا ہوا،جس کے بعد کئی عمارتوں میں آگ لگ گئی۔
تفصیلات کے مطابق امریکی شہر لاس اینجلس میں مقامی وقت کے مطابق شام ساڑھے چھ بجے فیکٹری میں خوفناک دھاکا ہوا جس سے عمارتیں لرز اٹھیں، دھماکے کے بعد متعدد عمارتوں کو آگ لگ گئی۔
دھماکے کی اطلاع ملتے ہی فائر فائٹرز کی ٹیمیں جائے وقوعہ پر پہنچیں،آگ بجھانے کے لیے 230 سے زائد فائر فائٹرز نے آپریشن میں حصہ لیا جس دوران 11 فائر فائٹرز زخمی ہوگئے۔
Major fire in Little Tokyo/downtown Los Angeles at San Pedro and Third. Dangerously close to Skid Row residents, senior and low income housing. Major smoke screen, ash is raining for blocks. pic.twitter.com/s4coh3xbgq
— sean miura (@seanmiura) May 17, 2020
پولیس نے علاقے کا محاصرہ کر لیا، دھماکا کیسے ہوا تاحال معلوم نہیں ہوسکا ہے تاہم دھماکے سے متعلق شواہد اکٹھے کیے جا رہے ہیں۔
لاس اینجلس فائر ڈیپارٹمنٹ کے میڈیکل ڈائریکٹر ڈاکٹر مارک ایکسٹن نے نیوز کانفرنس کے دوران بتایا کہ دھماکے میں زخمی ہونے والے 11 فائر فائٹرز کو اسپتال منتقل کیا گیا جن میں سے دو فائر فائٹرز کو وینٹی لیٹرز پر رکھا گیا ہے جبکہ باقی کی حالت خطرے سے باہر ہے۔
فائر ڈیپارٹمنٹ کے چیف ٹیرازاس کا کہنا تھا کہ ہمارے بہت سے فائر فائٹرز کو صدمہ پہنچا ہے، میں نے ان سے براہ راست بات کی۔ان کا کہنا تھا کہ جب آپ میں سے کوئی شخص زخمی ہوجاتا ہے تو آپ جذباتی تناؤ کا تصور کرسکتے ہیں۔
