امریکا میں لاٹری جیتنے والی 84 سالہ خاتون نے اپنے انعام کی آدھی رقم لاٹری فروخت کرنے والے کیشیئر کو دے دی
آج جب مال وزر کے لالچ نے خون کے رشتوں میں بھی دراڑیں ڈال دی ہیں اس نفسانفسی کے دور میں بھی دنیا میں ایسے لوگ موجود ہیں جو اپنی خوشیوں میں دوسروں کو شریک کرنے کا حوصلہ رکھتے ہیں
ایک 84 سالہ خاتون نے لاٹری جیتی تو رقم کا نصف لاٹری فروخت کرنے والے کیشیئر کو دینے کا فیصلہ کیا لیکن یہ جیک پاٹ نہیں تھا۔
میرین فاریسٹ نامی بوڑھی خاتون نے صرف 300ڈالر کا انعام جیتا اور فیصلہ کیا کہ اس کا نصف حصہ وہ لاٹری کا ٹکٹ فروخت کرنے والے کیشیئر کو دے گی۔
مذکورہ خاتون ڈیوک منی مارٹ کی مستقل گاہک ہے، کیشیئر والٹر نے اسے ترغیب دلائی تھی کہ وہ لاٹری کا ٹکٹ خریدے جس کا سب سے بڑا انعام 5لاکھ ڈالر ہے۔
فاریسٹ نے لاٹری ٹکٹ خریدنے کے بعد کیشیئر سے وعدہ کیا تھا کہ اگر وہ لاٹری جیت گئی تو اس کا بھی خیال رکھے گی۔
فاریسٹ اگرچہ جیک پاٹ پرائز نہیں جیت سکی لیکن300 ڈالر کا انعام جیتنے کے بعد بھی اسے اپنا وعدہ یاد رہا اور اس نے انعام کا نصف والٹر کو دینے کا فیصلہ کیا
سوشل میڈیا پر گردش کرنے والی ویڈیو میں دیکھا جاسکتا ہے کہ بوڑھی خاتون اسٹور میں ایک لفافہ اور دو غبارے پکڑے داخل ہورہی ہے، جس پر لکھا ہے والٹر وِن
خاتون نے رقم کا لفافہ والٹر کو پکڑایا اور اسے دنیا کا بہت پیارا شخص قرار دیا۔
فاریسٹ کی اس فراخدلی پر مارٹ میں موجود لوگوں نے تالیاں بجائیں جبکہ والٹر نے فرط جذبات میں بوڑھی خاتون کو گلے لگا لیا۔
سوشل میڈیا پر یہ کلپ وائرل ہونے کے بعد صارفین کی بڑی تعداد نے اسے سراہا اور اب تک اسے ڈھائی لاکھ کے قریب لائکس مل چکے ہیں۔
صارفین نے اپنے جذبات کا اظہار بھی کیا ہے جس میں خاتون کے جذبے کو خوب سراہا گیا ہے۔
View this post on Instagram