بھارت کی ریاست بہار میں شادی کے دوران اسپیکر کی تیز آواز نے خوشی کی تقریب غم میں بدل دی۔
میڈیا رپورٹس کے مطابق ضلع سیتامڑھی میں ڈی جے کی تیز آواز سے 30 سالہ دُلہے سریندر کمار کی موت واقع ہوگئی۔
ہوا کچھ یوں کہ شادی کی تقریب جاری تھی جس میں دلہا دلہن کے رشتے داروں سمیت دیگر مہمانوں کی بڑی تعداد موجود تھی۔ تقریب کو چار چاند لگانے کیلیے ڈی جے کو بھی بلایا گیا تھا۔
متعلقہ: دلہن کی موت کے باوجود شادی نہ رکی
تقریب کے دوران سریندر کمار نے ڈی جے کو کئی بار آواز ہلکی کرنے کی ہدایت کی لیکن اس نے نظر انداز کر دیا۔ تھوڑی دیر بعد وہ اچانک سے اسٹیج پر گر پڑا۔
دلہے کو فوری طور پر قریبی اسپتال منتقل کیا گیا لیکن تب تک اس کی موت واقع ہو چکی تھی۔ ڈاکٹروں نے بتایا کہ اسپیکر کی تیز آواز سے سریندر کمار کو دل کا دورہ پڑا۔
اہل خانہ نے شادی کی تقریب کو منسوخ کر کے نوجوان کی آخری رسومات کی تیاریاں شروع کیں۔
