The news is by your side.

Advertisement

عرب خاتون نے محبوب کی مدد سے شوہر کے لاکھوں درہم چرالیے

شارجہ : متحدہ عرب امارات کی پولیس نے محبوب کی مدد سے شوہر کے 1 لاکھ 96 ہزار درہم اور 5 موبائل فون چوری کرنے کے جرم میں عرب خاتون کو گرفتار کرکے عدالت میں پیش کردیا۔

تفصیلات کے مطابق متحدہ عرب امارات کی ریاست شارجہ میں پولیس کو تین ماہ قبل ایک شہری نے شکایت درج کروائی تھی کہ اس کی اہلیہ نے گھر سے لاکھوں درہم کی رقم چوری کی ہے جس کے بعد پولیس نے عرب خاتون کو تفتیش کے لیے گرفتار کرلیا تھا۔

اماراتی خبر رساں ادارے کا کہنا ہے کہ عرب خاتون نے دوران تفتیش اپنے اوپر لگائے گئے تمام الزامات کی تردید کرتے ہوئے کہا کہ میں بے قصور ہوں اور دعویٰ کیا کہ میں بحالی کا کام کرنے خاتون ہوں۔

اماراتی میڈیا کا کہنا ہے کہ پولیس اہلکار مسلسل خاتون سے تفتیش کرتے رہے یہاں تک کہ خاتون نے قبول کیا وہ گناہ گار ہے اور اس نے 30 سالہ شخص کی مدد سے گھر میں چوری کی تھی کیوں کہ میری اپنے شوہر سے علیحدگی ہونے والی تھی۔

عرب خاتون نے دوران تفتیش بتایا کہ میں نے اپنے شوہر کی غیر موجودگی کا فائدہ اٹھاتے ہوئے اپنے محبوب کو گھر بلایا اور 1 لاکھ 96 ہزار درہم 3 ٹیبلٹ، اور 2 آئی فون چوری کرلیے۔

عرب خاتون نے عدالت میں جج کو بتایا کہ جس 30 سالہ شخص نے چوری کرنے میں میری مدد کی تھی، میرے اور اس کے ناجائز تعلقات ہیں۔

عدالت میں عرب خاتون کے محبوب نے بیان دیا کہ مجھ پر عائد تمام الزامات بے بنیاد ہیں اور میں نہ تو مذکورہ خاتون کو جانتا ہوں نہ ہی اس کے شوہر کو کبھی دیکھا ہے۔

اماراتی خبر رساں ادارے کا کہنا تھا کہ شارجہ کی عدالت نے دونوں کے بیانات سننے کے بعد 20 دسمبر تک کیس کی سماعت ملتوی کردی۔

Comments

comments

یہ بھی پڑھیں