کراچی میں گیس بحران شدت اختیار کر گیا -
The news is by your side.

Advertisement

کراچی میں گیس بحران شدت اختیار کر گیا

کراچی: شہرِ قائد میں گیس بحران شدت اختیار کر گیا، کراچی کے 3 صنعتی زونز کو گیس کی فراہمی 4 روز سے بند ہے۔

تفصیلات کے مطابق کراچی میں کئی دن سے جاری گیس بحران شدت اختیار کر گیا ہے، شہرِ قائد کے تین صنعتی زونز کو گزشتہ چار روز سے گیس کی فراہمی تعطل کا شکار ہے۔

گیس کا پریشر کم ہونے کی وجہ سے شہریوں‌ کو شدید پریشانی کا سامنا کرنا پڑ رہا ہے۔

کراچی میں کیپٹو پاور پلانٹ سے چلنے والے بڑے ایکسپورٹ کارخانے بند پڑے ہیں۔

ترجمان سوئی سدرن کے مطابق گیس فیلڈز میں فنی خرابی پر صنعتوں کو فراہمی بند ہوئی ہے۔

دوسری طرف شہرِ قائد میں گیس کی لوڈ شیڈنگ کے باعث کئی علاقوں‌ میں گیس کا پریشر کم ہونے کی وجہ سے شہریوں‌ کو شدید پریشانی کا سامنا کرنا پڑ رہا ہے۔

موسم سرما شروع ہوتے ہی کراچی کے متعدد علاقوں میں گیس کی لوڈ شیڈنگ بھی شروع ہو گئی ہے، چند علاقوں‌ میں پریشر کم جب کہ کہیں کہیں گیس کی فراہمی بالکل معطل ہو گئی ہے۔


یہ بھی پڑھیں:  کراچی: متعدد علاقوں میں گیس کی لوڈ شیڈنگ، شہری پریشان


اطلاعات کے مطابق گلشن اقبال کے تمام بلاکس، گلستانِ جوہر اور اسکیم 33 میں گیس کی فراہمی بند ہے۔

ترجمان ایس ایس جی سی کا مؤقف تھا کہ ایس ایس جی سی سسٹم میں پریشر کی کمی ہوئی ہے، جس کے باعث کچھ علاقو ں میں مختصر مدت تک گيس کا پریشر کم رہے گا اور جلد ہی گیس بحال کر دی جائے گی۔

Comments

comments

یہ بھی پڑھیں