کراچی : بھارت گجرات کے قریب ہوا کا دباؤ کل ڈپریشن میں تبدیل ہونے کا امکان ہے، یہ سسٹم کراچی سے 340 کلومیٹر جنوب مشرق پر موجود ہے۔
تفصیلات کے مطابق محکمہ موسمیات کے مطابق بھارت کے گجرات کے قریب ہوا کا کم دباؤ مزید شدت اختیار کر گیا ہے جو کل ڈپریشن میں بدل سکتا ہے۔
یہ سسٹم اس وقت کراچی سے تقریباً 340 کلومیٹر جنوب مشرق میں موجود ہے اور مغرب و جنوب مغرب کی سمت میں بڑھ رہا ہے۔
محکمہ موسمیات نے پیش گوئی کی ہے کہ سسٹم کے زیرِ اثر آج اور کل سندھ کے مختلف اضلاع میں گرج چمک کے ساتھ بارش کا امکان ہے۔ کراچی، ٹھٹھہ، سجاول اور بدین سمیت متعدد اضلاع میں بارش کی پیش گوئی کی گئی ہے۔
اسی طرح تھرپارکر، عمرکوٹ، سانگھڑ، میرپورخاص اور حیدرآباد میں بھی بارش کا امکان ظاہر کیا گیا ہے۔
محکمہ موسمیات کا کہنا ہے کہ شہری احتیاطی تدابیر اختیار کریں اور غیر ضروری سفر سے گریز کریں۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں