site
stats
بزنس

ایل پی جی ڈسٹری بیوٹرز کی وزیراعظم سے ملاقات متوقع

lpg distributors

کراچی: وزیراعظم شاہد خاقان عباسی سے ایل پی جی ڈسٹری بیوٹر ایسوسی آف پاکستان کے چیئرمین عرفان کھوکھر نے ملاقات کی اور سردیوں میں ایل پی جی کی بلاتعطل فراہمی سمیت دیگر امور پر تبادلہ خیال کیا۔

اس ضمن میں عرفان کھوکھر نے بتایا کہ ڈسٹرک نوشہرو مورو جلسے کے بعد جتوئی ہاؤس میں وزیراعظم شاہد خاقان عباسی سے انہوں نے ملاقات کی ہے جس کے دوران سردیوں میں ایل پی جی کی قیمتیں مستحکم رکھنے، امپورٹ اور لوکل کی قیمت میں فرق ختم کر کے یکساں کرنے، عوام کو سستی گیس مسلسل فراہم کرنے اور سردیوں میں گیس وافر مقدار میں مہیا کرنے کے امور پر تبادلہ خیال کیا اور انہیں اپنی تجاویز سے آگاہ کیا۔

عرفان کھوکھر نے بتایا کہ وزیراعظم شاہد خاقان عباسی نے انہیں مذکورہ امور پر مشاورت کے لیے اسلام آباد طلب کیا ہے اور وہ جلد وزیراعظم سے دوبارہ ملاقات کر کے انہیں تحریری تجاویز دیں گے تاکہ موسم سرما میں ملک بھر کے عوام کو سستی قیمت پر ایل پی جی کی فراہمی کو یقینی بنایا جائے۔

عرفان کھوکھر کے مطابق ملاقات کے دوران وزیراعظم نے کہا کہ مسلم لیگ ن کی حکومت عوامی مسائل فوری حل کرنے پر یقین رکھتی ہے اور اس کے لیے عملی اقدامات کر رہی ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top