site
stats
پاکستان

لیفٹیننٹ جنرل ( ر ) ضمیر الحسن شاہ سیکرٹری دفاع تعینات

اسلام آباد: وزیراعظم پاکستان نواز شریف نے لیفٹیننٹ جنرل ریٹائرڈ سید ضمیر الحسن شاہ کو سیکرٹری دفاع مقرر کر دیا۔

ذرائع کے مطابق وزیر اعظم میاں محمد نوازشریف نے سیکرٹری دفاع کے لیے سید ضمیر الحسن شاہ کی تقرری کی منظوری دی، لیفٹیننٹ جنرل ریٹائرڈ سید ضمیر الحسن شاہ اس سے قبل متعدد عہدوں پر فرائض انجام دے چکے ہیں۔

وزیر اعظم کی منظوری کے بعد اسٹیبلشمنٹ ڈویژن نے سیکرٹری دفاع لیفٹیننٹ جنرل ریٹائرڈ سید ضمیر الحسن شاہ کی تعیناتی کا نوٹی فکیشن بھی جاری کردیا ہے، نئے سیکرٹری دفاع جمعرات کو وہ اپنے عہدے کا چارج سنبھالیں گے، اس سے پہلے قبل سابق لیفٹیننٹ جنرل عاصم خٹک سیکرٹری دفاع تعینات تھے۔

سیکرٹری دفاع کی تقرری سے قبل سید ضمیر الحسن شاہ آرمی ویلفیئر ٹرسٹ کے چیئرمین کے عہدے پر بھی فائز رہے ہیں، جبکہ مختلف عہدوں کے ساتھ ساتھ جی ایچ کیو راولپنڈی میں اڈجونڈنٹ جنرل کے فرائض بھی سر انجام دے چکے ہیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top