لکی مروت میں چار لڑکوں کے مبینہ قتل کے الزام میں تھانہ برگئی کے ایس ایچ او سمیت 6 اہلکاروں کیخلاف مقدمہ درج کرلیا گیا۔
تفصیلات کے مطابق یہ واقعہ 25 اکتوبر کی رات کو تجوڑی تھانے کی حدود میں پیش آیا تھا، دیہاتیوں اور متوفی کے لواحقین نے ذمہ دار اہلکاروں کیخلاف کارروائی کا مطالبہ کیا تھا۔
ذرائع کا کہنا ہے کہ انکوائری میں ایس ایچ او عنایت علی شاہ اور پانچ کانسٹیبل قتل میں ملوث پائے گئے ہیں، پولیس نے انسداددہشت گردی ایکٹ کے سیکشن سات کے تحت مقدمہ درج کرلیا۔
- Advertisement -
حکام کا کہنا ہے کہ ڈی پی او تیمور خان نے ایف آئی آر اندراج کے بعد ایس ایچ او، اور پانچ اہلکاروں کومعطل کردیا۔
