The news is by your side.

Advertisement

پاکستان میں سام سنگ موبائل کی تیاری ، بڑا معاہدہ طے پاگیا

اسلام آباد : لکی گروپ اور سام سنگ کے درمیان پاکستان میں موبائل کی تیاری شروع کرنے کا معاہدہ طے پاگیا ، انشااللہ یہ یونٹ دسمبر 2021 تک پیداوار کا آغاز کر دے گا۔

تفصیلات کے مطابق پاکستان میں موبائل کی تیاری کیلئے سام سنگ اور لکی گروپ کے درمیان معاہدہ ہوگیا ، اس موقع پر وفاقی وزیر حماد اظہر نے سماجی رابطے کی ویب سائٹ ٹوئٹر پر لکی گروپ اور سام سنگ کوپاکستان میں موبائل کی تیاری شروع کرنےپر مبارکباد
دیتے ہوئے کہا موبائل فون تیار کرنے کی مثبت ڈیولپمنٹ ڈربزسسٹم کی کامیابی کاثبوت ہے ،موبائل تصدیقی نظام ڈربزسسٹم سے موبائل فون کی اسمگلنگ کاخاتمہ ہواہے، ڈربزسسٹم کےبعدگزشتہ سال ملک میں موبائل مینوفیکچرنگ پالیسی بھی تیار کی گئی۔

دوسری جانب معاون خصوصی ڈاکٹر شہباز گل نے سماجی رابطے کی ویب سائٹ ٹوئٹر پر اپنے پیغام میں کہا الحمدللہ،پاکستان کے لئے ایک اور اچھی خبر، سام سنگ نےلکی گروپ سےملکرپاکستان میں موبائل کی تیاری کیلئےمعاہدہ کیا ہے، حکومت کی مقامی مینوفیکچرنگ پالیسی کی کارکردگی کا ثبوت ہے، انشااللہ یہ یونٹ دسمبر 2021 تک پیداوار کا آغاز کر دے گا۔

Comments

یہ بھی پڑھیں