The news is by your side.

Advertisement

حج قرعہ اندازی: خوش نصیبوں کے ناموں کا اعلان

اسلام آباد: سرکاری اسکیم کے تحت حج قرعہ اندازی کا عمل مکمل ہونے کے بعد خوش نصیب عازمین کے ناموں کا اعلان کردیا گیا، وفاقی مذہبی امور سردار یوسف نے کہا کہ ایک لاکھ 75 ہزار 26 افراد سرکاری اسکیم کے تحت حج ادا کریں گے۔

اسلام آباد میں میڈیا سے گفتگو کرتے ہوئے سردار یوسف نے کہا کہ سرکاری اسکیم کے تحت حج پر جانے والے خواہش مند افراد کی 3 لاکھ، 86 ہزار اور چھیانوے درخواستیں وصول ہوئیں جن کی قرعہ اندازی کمپیوٹر ائزڈ طریقے سے کی گئی۔

انہوں نے کہا کہ خوش نصیبوں کو بذریعہ مسیج آج شام تک اطلاع دے دی جائے گی جبکہ وزارتِ مذہبی امور کی ویب سائٹ سے بھی نام چیک کیے جاسکیں گے۔

اپنا نام چیک کرنے کے لیے لنک درج ذیل لنک پر کلک کریں:

http://www.hajjinfo.org

 

سردار یوسف نے کہا کہ حج کی پروازیں یکم ذی العقد سے روانہ ہوں گی، پچاس فیصد افراد مکہ اور بقیہ کو مدینہ بھیجا جائے گا، انہوں نے مزید کہا کہ 90 سال سے زائد عمر کے 197 افراد کو بھی منتخب کیا گیا ہے جو حج ادا کرسکیں گے۔

خیال رہےکہ سرکاری اسکیم کےتحت حج درخواستوں کی وصولی کاعمل 17اپریل  سےشروع ہوا جو رواں ماہ 26اپریل تک جاری رہا۔اس دوران  3لاکھ سے زائد درخواستیں وصول ہوئیں۔

سرکاری اسکیم کے تحت حج درخواستیں حبیب بینک لمیٹڈ،یونائٹیڈ بینک لمیٹڈ، نیشنل بینک آف پاکستان، مسلم کمرشل بینک، الائیڈ بینک لمیٹڈ، زرعی ترقیاتی بینک لمیٹڈ، بینک آف پنجاب، بینک الفلاح ،میزان بینک اور حبیب میٹرو بینک کی شاخوں میں جمع کرائی گئیں۔

Print Friendly, PDF & Email

Comments

comments

یہ بھی پڑھیں