The news is by your side.

Advertisement

پختونخواہ میں لمپی اسکن وائرس سے 5 ہزار سے زائد مویشی متاثر

پشاور: صوبہ خیبر پختونخواہ میں لمپی اسکن وائرس سے اب تک 5 ہزار سے زائد مویشی متاثر ہوچکے ہیں، 66 ہزار مویشیوں کی ویکسی نیشن کی جاچکی ہے۔

تفصیلات کے مطابق صوبہ خیبر پختونخواہ میں لمپی اسکن وائرس کیسز سے متعلق اعداد و شمار محکمہ لائیو اسٹاک نے جاری کر دیے، پہلا لمپی اسکن وائرس کا کیس 22 اپریل کو ڈیرہ اسماعیل خان میں رپورٹ ہوا تھا۔

گزشتہ دو مہینے کے دوران صوبے میں مجموعی طور پر لمپی اسکن ڈیزیز سے 105 مویشی ہلاک ہوئے، سب سے زیادہ لکی مروت میں 18 اور چارسدہ میں 12 مویشی ہلاک ہوئے۔

وائرس سے صوبے میں اب تک 5 ہزار 341 مویشی متاثر ہوئے ہیں، سب سے زیادہ بنوں میں 780، پشاور میں 750 اور شمالی وزیرستان میں 684 لمپی اسکن کیسز رپورٹ ہوئی ہیں۔

لمپی اسکن سے متاثرہ 13 سو 59 مویشی صحت یاب ہوچکے ہیں اور 3 ہزار 877 زیر علاج ہیں۔

صوبے بھر میں 66 ہزار 849 مویشیوں کو لمپی اسکن کی ویکسی نیشن مکمل ہوچکی ہے۔

Comments

یہ بھی پڑھیں