تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

تشویشناک خبر: لمپی اسکن بیماری گائے کے بعد بھینسوں میں بھی پھیل گئی

کراچی: صوبہ سندھ کے کئی شہروں‌ میں دودھ دینے والے جانوروں کی بیماری لمپی اسکن گائے کے بعد بھینسوں میں بھی پھیل گئی ہے۔

تفصیلات کے مطابق سندھ بھر میں بھینسوں میں بھی لمپی اسکن ڈیزیز کے کیسز سامنے آ گئے ہیں، محکمہ لائیو اسٹاک نے بیماری بھینسوں میں پھیلنے کی تصدیق کر دی ہے۔

واضح رہے کہ گزشتہ روز ملک کی نامور درس گاہ ڈاؤ یونیورسٹی نے جانوروں میں پھیلنے والی لمپی اسکن ڈیزیز کی ویکسین بنانے کا اعلان کیا ہے، یہ ویکسین محکمہ لائیو اسٹاک سندھ کے اشتراک سے بنائی جائے گی۔

جانوروں کو لگنے والی جلدی بیماری لمپی اسکن سے سندھ زیادہ متاثر ہے، 5 اضلاع کے سوا پورا صوبہ سندھ متاثر ہے تاہم کراچی میں سب سے زیادہ کیسز سامنے آ رہے ہیں، اور گزشتہ روز تک 250 گائیں اس بیماری سے ہلاک ہو چکی ہیں۔

نامور یونیورسٹی کا لمپی اسکن کی فوری ویکسین بنانے کا اعلان

خیال رہے کہ گائیوں میں لمپی اسکن کی بیماری کی وبا پھیلنے کے بعد سے کراچی میں دودھ اور گوشت کے استعمال میں کافی حد تک کمی آ چکی ہے، تاہم بھینسیں بھی اب شکار ہو رہی ہیں، تو شہر میں دودھ کا استعمال مزید کم ہونے کا خدشہ پیدا ہو گیا ہے۔

Comments

- Advertisement -