کراچی : لیاری میں قائم لنڈا بازار میں آگ لگ گئی ، علاقے میں خوف و ہراس پھیل گیا ، تفصیلات کے مطابق لیاری کے علاقے آگرہ تاج کالونی میں قائم لنڈا بازارکے ایک گودام میں اچانک آگ بھڑک اُٹھی ، جس نے دیکھتے ہی دیکھتے کئی دکانوں کو اپنی لپیٹ میں لے لیا۔
فائر بریگیڈ کی چھ گاڑیاں جائے وقوعہ پر آگ بجھانے میں مصروف ہیں۔تاہم اب آگ پر قابو پایا لیا گیا ہے اب تک آگ لگنے کی وجہ معلوم نہیں ہوسکی ہے۔
فائر بریگیڈ کے عملے نے دو گھنٹے کی جدو جہد کے بعد آگ پر قابو پایا ، آتشزدگی کے باعث گودام میں رکھا سارا سامان جل کر خاکستر ہوگیا۔
پولیس اور قانون نافذ کرنے والے اداروں کے اہلکار بھی کسی بھی تخرییی کاراوائی کے خدشے کے پیش نظر جائے وقوعہ پر موجود تھے ۔
آتشزدگی کے واقعے میں خوش قسمتی سے کوئی جانی نقصان نہیں ہوا، تاہم فائر بریگیڈ کی گاڑیاں دیر سے پہنچنے کا الزام لگاتے ہوئے مقامی دکان داروں نے احتجاجی مظاہرہ کیا،
اے آر وائی نیوز کی ڈیجیٹل ڈیسک کی جانب سے شائع کی گئی خبریں