The news is by your side.

Advertisement

لیاری میں نوجوان کا قتل، مظاہرین کی لاش کے ہمراہ وزیراعلٰی ہاؤس جانے کی کوشش

کراچی : لیاری میں بھتہ نہ دینے پر گینگ وار کے ملزمان نے نوجوان کو قتل کردیا ۔ لیاری کے سیکڑوں مکینوں نےسڑکوں پرنکل آئے اوروزیراعلٰی ہاؤس جانے کی کوشش کی ۔

تفصیلات کے مطابق بھتہ نہ دینے پر گینگ وار کے ملزمان نے کلاکوٹ کے رہائشی کو گولی مار کر قتل کردیا، لیاری کے مکینوں نے میت کے ہمراہ شدید احتجاج کرتے ہوئے وزیر اعلیٰ ہاوس جانے کی کوشش کی۔

احتجاج کرنے والوں میں خواتین بھی شامل تھیں۔ مظاہرین جب آئی آئی چندریگر روڈ پر پہنچے تو پولیس نے رینجرز ہیڈکوارٹر جانے والا راستہ بند کردیا تو مظاہرین شاہین کمپلیکس پہنچ گئے۔

دوران احتجاج پولیس اور مظاہرین کے درمیان تلخ کلامی بھی ہوئی۔ اس دوران مظاہرین اور پولیس اہلکار گتھم گتھا ہوگئے، ہاتھا پائی میں کسی کا گریباں پھٹا تو کوئی زخمی ہوا ۔

احتجاج شدت اختیار کرگیا تو رینجرز کو مداخلت کرنا پڑی۔ مظاہرین نے وزیراعلیٰ سندھ کے خلاف شدید نعرے بازی بھی کی۔ رینجرز حکام نے مظاہرین سے بات چیت کی جس کےبعد رینجرز کی یقین دہانی کے بعد احتجاج ختم کیا گیا۔

Comments

comments

یہ بھی پڑھیں