سوئس ٹینس اسٹار راجر فیڈرر لیور کپ میں اپنے کیریئر کا آخری میچ کھیلا اس دوران فیڈرر اور رافیل نڈال دونوں آبدیدہ ہوگئے۔
سوشل میڈیا کے مختلف پلیٹ فارمز پر سوئس ٹینس اسٹار راجر فیڈرر اور رافیل نڈال کی ویڈیو وائرل ہورہی ہے جس میں دیکھا جاسکتا ہے کہ دونوں کھلاڑی جذبات پر قابو نہ رکھ سکے اور آبدیدہ ہوگئے، واضح رہے کہ راجر فیڈرر میچ میں شکست ہوئی اور ان کا کیریئر اختتام پذیر ہوگیا۔
راجر فیڈرر کے آخری میچ پر کھیلوں سے وابستہ مختلف شخصیات کی جانب سے ان کی خدمات کو سراہا جارہا ہے۔
قومی ٹیم کے سابق کپتان محمد حفیظ نے راجر فیڈرر کی ویڈیو شیئر کرتے ہوئے لکھا کہ ’چیمپئنز کے احساسات، آنسو، قربانیوں، مشکلات اور چیمپئن بننے کی جدوجہد کی عکاسی کرتے ہیں اسے صرف ایک چیمپئن ہی محسوس کرسکتا ہے۔‘
Champions feelings . Tears reflect the amount of sacrifices,hardships & struggle to become a CHAMPION. Only a champion can feel it @rogerfederer #GOAT @RafaelNadal #GOAT https://t.co/4W8WVmKU1r
— Mohammad Hafeez (@MHafeez22) September 24, 2022
بھارتی ٹیم کے سابق کپتان ویرات کوہلی نے بھی ٹویٹر پر لکھا کہ ’کس نے سوچا تھا کہ حریف ایک دوسرے کے ساتھ ایسا محسوس کرسکتے ہیں لیکن یہ کھیل کی خوبصورتی ہے۔‘
Who thought rivals can feel like this towards each other. That’s the beauty of sport. This is the most beautiful sporting picture ever for me❤️. When your companions cry for you, you know why you’ve been able to do with your god given talent.Nothing but respect for these 2. pic.twitter.com/X2VRbaP0A0
— Virat Kohli (@imVkohli) September 24, 2022
کوہلی نے مزید کہا کہ ’یہ میرے لیے اب تک کی سب سے خوبصورت تصویر ہے جب آپ کے ساتھی آپ کے لیے روتے ہیں، ان دونوں کے لیے عزت کے سوا کچھ نہیں۔‘
یاد رہے کہ راجر فیڈرر نے گزشتہ دنوں ریٹائرمنٹ کا اعلان کیا تھا اور لیور کپ ان کا آخری ایونٹ تھا وہ 20 گرینڈ سلیم ٹائٹل جیت چکے ہیں۔