site
stats
کھیل

مچل جانسن نے انٹرنیشنل کرکٹ سے ریٹائرمنٹ کا اعلان کردیا

میلبرن : آسٹریلوی فاسٹ بالر مچل جانسن نے انٹرنیشنل کرکٹ سے ریٹائرمنٹ کا اعلان کردیا۔

مچل جانسن کا شاندار کیرئیر نیوزی لینڈ کے خلاف پرتھ ٹیسٹ میں ختم ہو جائے گا، جانسن نے تہتر ٹیسٹ میں آسٹریلیا کی نمائندگی کرتے ہوئے تین سو گیارہ وکٹیں حاصل کیں۔ دوہزار پانچ میں ون ڈے ڈیبیو کرنے والے جانسن شین وارن، گلین میک گرا، ڈینس للی کے بعد آسٹریلیا کے سب سے کامیاب بولر ہیں۔

انھوں نے دوہزار تیرہ کی ایشز میں سینتیس وکٹیں لے کر ٹیم کی کامیابی میں اہم کرداد ادا کیا تھا۔

انھوں نے اپنے کریئر میں ایک اننگز میں بارہ بار پانچ یا اس سے زیادہ وکٹیں لیں جبکہ تین بار ٹیسٹ میں دس یا اس سے زیادہ وکٹیں لینے میں کامیاب رہے، جانسن تینوں فارمیٹس میں مجموعی طور پر پانچ سو اٹھاسی وکٹیں حاصل کرچکے ہیں۔

جانسن کا کہنا ہے کہ جو آتا ہے اسے ایک دن جانا ہی پڑتا ہے، آسٹریلیا کی نمائندگی کرنا ان کے لئے اعزاز کی بات ہے، وہ خوش گوار یادوں کے ساتھ کرکٹ چھوڑ رہے ہیں.

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top